確診客人臨時要求IG餅店改交收時間！被拒後不滿：咁我親自嚟攞

近日一間網購蛋糕店，收到聲稱確診新冠肺炎客人臨時要求更改取餅時間，但因店舖規則拒絕後，該客人不滿稱：「咁我親自嚟攞。」事件公開後引來網民猛烈批評，認為蛋糕店公審客人，亦有網民質疑客人藉確診威脅改時間。

確診客人臨時要求IG餅店改交收時間 被拒後不滿：咁我親自嚟攞

專賣法式千層酥、各種撻餅的網購蛋糕店BAGEL n CAKES，情人節在Instagram發布限時動態，公開與一名客人的對話內容，指該客人在交收蛋糕前一晚臨要求更改取餅時間。

翌日早上店舖回覆指「所有更改必須在交收前48小時提出」，隨後客人質疑：「如果你已經整好咗，我早3個鐘攞都唔得？」，一再被店家拒絕後，該客人稱自己新冠病毒快速測試呈陽性，要找朋友代為交收才會要求改時間，又稱：「定你想我自己照舊時間嚟攞？」

及後店家解釋，因當天是情人節特別忙碌，早已按客人訂單安排好工作時間，實在無法更改。該客人就指：「ok咁我咁我親自嚟攞」。店家再提出其他取貨方案，如安排司機送貨，最終該客人親自去到大廈正門，領取預先放在大廈接待處的蛋糕。

確診客人臨時要求改取餅時間被拒 網民批評：叫佢出街拎仲叫佢恐怖分子

BAGEL n CAKES公開事件之後，引來網民猛烈批評，質疑店舖在限時動態中加入「WE DON'T NEGOTIATE WITH TERRORISTS」字眼，是指摘客人為恐怖分子，又指這段時期應該互相體諒，無必要以官腔態度應對。

部分網民覺得店舖做法無問題，蛋糕店有自己的工作時間表，適逢情人節不可以臨時更改取貨時間都好正常；亦都有人覺得雙方都有錯，兩邊都唔抵幫。

網民留言：

店舖強調非公審 亦無意指客人為恐怖分子

BAGEL n CAKES之後再發文回應網民批評，強調絕非公審，又指蛋糕是按訂單次序及交收時間安排製作，以減低酥皮受潮時間，加上當日為繁忙日子，無法調動至其他時段，並已向客人建議安排送貨解決問題。店舖又指「WE DON'T NEGOTIATE WITH TERRORISTS」形容事件，是指不會因為恐懼或威脅而妥協，並非指對方是恐怖分子。