真·三國無双︱林雪神還原董卓　呻拍攝辛苦：我騎嗰隻馬中暑走咗

林雪周四（1日）出席電影《七人樂隊》首映，談起是次角色他就指：「一個痴線、有啲病嘅人，但平時又好正經，其實只係做返自己，我就係嗰個人。」所以今次角色對他而言完全沒有難度。
攝影：陳順禎、葉志明

提起由周顯揚執導、杜致朗編劇，耗資超過三億港元製作，改編自經典電玩遊戲的電影《真．三國無双》定於4月29日正式上映，在電影飾演董卓的林雪早前被大讚入型入格：「我自己都覺得似先拍，如果唔係都唔拍。」

林雪又大爆拍攝期間好辛苦：「熱、啲衫好重、要騎馬打仗，聽講我騎嗰隻馬第日中咗暑走咗，心裏面都唔太安樂。」 談起Netflix以破華語片記錄的8位數天價購入電影版權，預定在暑假期間上架，林雪興奮大讚：「Netflix真係有眼光！（有分紅？）分享喜悅就有，唔鍾意分紅、鍾意分享喜悅。」

睇埋其它《真‧三國無双》嘅劇照：