【失蹤】凌文龍戲中照顧失智顧美華　 參考讀臨床心理學朋友經驗

凌文龍昨晚（28日）出席電影《失蹤》煞科宴，他接受《香港01》訪問時便分享了自己為角色做的準備：「喺戲入面我要照顧患有失智症嘅媽媽（顧美華飾），而我因為呢件事再加上工作上嘅壓力，心理上會慢慢有變化，大家睇時不妨留意下。」他坦言收到劇本時不太認識失智症，所以即刻搬救兵：「我做咗好多資料搜集，了解下照顧失智病人有咩要注意，仲揾左讀臨床心理學博士嘅朋友傾偈，聽下佢哋平時同特殊病患相處嘅經歷。」除此之外凌文龍亦有閱讀劇本原著小說，指電影雖然有改編的成分，但主題仍然是西貢結界之謎，懸疑的氛圍很吸引人。

雖然凌文龍與飾演鍾欣潼母親的余安安只有一場對手戲，但因為兩人曾在《黃金花》中合作，甚有交情，所以他們都會一起探討如何演繹得更好，非常專業。「其實我哋只有一場喺門口會面打招呼嘅戲，不過我哋會討論『咁樣演會唔會再好啲呢？』『不如試下咁樣』，大家戲來戲往都幾好玩。」

戲中，凌文龍一家人與鍾欣潼一家人是鄰居，所以他們都頗親近，凌文龍說：「我都知道阿嬌嘅爸爸失蹤咗好耐，佢兩母女情緒上會有啲唔穩定，後來安姐（余安安）仲同我哋屋企有啲微妙關係，喺呢度就唔劇透住。」乍聽下去已經撲朔迷離，謎團就要等觀眾自己入場揭曉喇！