【溫多娜手記】陳德霖10月返中大出席分享會　昔日排球隊照先曝光

陳德霖即將卸任金管局總裁一職。他將於十月份以中大校友身份出席分享會，回顧自己由大學畢業後投考AO，以至加入金融管理局並晉升為總裁的經過。陳德霖亦為中大拍攝一段短片，回憶往日的校園青葱歲月，片中他更公開了當年於排球隊的珍貴照片。

他笑言自己對「波」好有興趣，包括足球、籃球及排球。他又借排球去比喻團隊精神，「你有一個好叻的大槌手，但你的二傳手唔得，點槌（進攻）都槌唔到，你後面又要防守，所以自己本身天下無敵係唔夠，一定要團隊精神」

「理想是一步步達到的」

於1976年畢業、修讀社會學系及經濟學，卻最終當上金管局總裁，陳德霖指一切都是靠後天努力學習，「你唔可以返學校讀過書，再去做金管局，你唔可以將自己讀的嘢，局限自己將來發揮，世界係好大的。」

提到有何「職場貼士」，陳德霖認為理想是一步步達到的，「若果你要設一個好高的目標，但自己又唔努力去爭取同落實，咁就變妄想，如果唔爭取，唔準備，好多好一般的理想，都會變妄想。」