【靚女CEO】袁彌明分享職場上位之道　「Show畀我睇你有進步」

袁彌明 （Erica）最教人認識的身份是前港姐、前政客，但其最成功的角色，可說是企業家。2009年，她由政壇轉至商界，成立彌明生活百貨﹙8473﹚，身兼主席兼行政總裁﹙CEO﹚，近日更帶領公司登陸創業板，一年生意額逾億元。
2003年，她於美國大學畢業後回流香港，到電訊盈科打了年半工便毅然參選港姐，可以說真正「打工」、感受職場的時間並不長。話雖如此，作為一間市值近3億元美容王國的舵手，Erica對於員工管理及打工仔「上位」之道，也有一番見解。

萬八蚊人工是「樽頸位」

Erica的公司擁有大約80名員工，有部分同事已與她共事7、8年，甚至稱其為「Type A」員工，「唔怕蝕底，知道拖兩日係唔成事，都會幫你趕」。

作為一間「冒起」中的中小企，Erica要求每位同事都要有一團火，「唔好諗住來呢度原地踏步，我地係一間增長緊的公司，你唔會係一間增長緊的公司原地踏步，係not a good match（錯配）」。她觀察發現，不少畢業生起薪點大約1萬元，工作數年後，人工升至1.8萬至2萬元，職位亦由初級升至資深，而下一步就要尋求突破，晉升成初級管理層，故1.8萬元絕對是一個關鍵位，「成日同後生講，你依家1萬蚊人工，過2年後同學變左1.8萬蚊，你係咪仲要停留1萬蚊？到30、40歲你的人生就完全唔同，你展示畀我睇你有進步的，跟返你的經驗表現升級。」

Erica​強調，先祈不要在同一個位太耐，「有啲位係瓶頸位，人工萬八蚊，你唔進步唔跨過去，好有機會停留呢個位好長時間！」 但無可避免，她亦說「有些員工永遠 『one step behind（行慢一步）』，仲要老鼠拉龜，咁樣好難留」。Erica相信人人都會犯錯，但同一個錯不能犯多過3次，而一個人有無事業心，簡單如一封電郵已可窺探得知，「﹙老闆﹚每一隻字都係好重要，都係instructions（指示），如果無睇清楚就交貨，我都會嬲嬲地！係咪老細問你一句先答一句，無可能架？」

不能淋熄員工那團火

對留下人才，Erica就從美國企業的管理文化上取經，期望自己能如同Steve Jobs一樣，用自己的理念、觀念可以啟發同事，亦能令員工為在此工作感到光榮，「最重要是畀好多機會佢地，如果日復日的事係一模一樣，你都會feel到原地踏步。」她亦稱，要定時與員工檢討表現，做得好時讚揚，做得不好也不會破口大罵。「即使內心幾想都好，千祈唔好講出口；因為你咁做，員工那團火就會漸漸熄滅。」 

向來予人「free style」感覺的Erica，自言在管人上的風格如是，「我係好自由的，好快會放權畀一個人，疑人不用、用人不疑」。但這份自由就令她受過一個頗大的教訓。

「無道德的人一定會失敗」

Erica憶述，曾下放權力予一位員工，原意是代表她與第三方洽商，卻出現濫權的情況。該名員工後來離職，雖然簽下禁止競爭條款（non-compete clauses），但在離開後照樣聯絡公司原有的合作夥伴，更甚者「照辦煮碗」同她打對台。

面對這些情況，Erica亦好有信心話，「當然佢始終唔係我，我build up（建立）左facebook同客群，網上做marketing（營銷）影響力有差別，客人同觀眾係相信我。」故她稱不會構成對公司的威脅，「如果你永遠要食人口水尾，拎人地的資源copy（複製）人是唔會成功的，市場總有一日係會淘汰你，你一定要有一啲創新的野，先可以咁競爭的環境中生存同進步。最後，無誠信和道德的人一定會失敗！」

Erica在上過這一堂課後，難免都說一句「要防人」，「有啲人係會損害你的利益的，永遠都有，呢啲人係要防的，唔止員工，有時一啲partner（合作夥伴）合作上都有幾大的教訓。」