【BB來了】湊B方法大決鬥　FB「我的極品四大長老」讚：貼地！

80後媽媽Michelle去年在Facebook設立專頁「我的極品四大長老」，至今已逾2.4萬人讚好，亦收到不少人Inbox投稿。Michelle透露，她集結了專頁以外、由朋友分享的66個「極品長老」和「極品姑奶」故事編成書，將會在書展推出，「雖然講奶奶嘅故事居多，但都有約10個較為窩心嘅故事，亦有幾篇係有關岳父岳母同姑奶」。

她近日也有追看劇集《BB來了》，讚劇情「好寫實、貼地，對已為人妻同媽媽嘅人睇，好有共鳴」。她聽過很多新抱分享，婆媳之間的衝突大多源至「相見好、同住難」，「始終生活習慣、思想都唔同。」Michelle說：「尤其湊BB嘅方式，奶奶比較傳統，唔信新式嘅儀器，而新手媽媽又覺得咁會安全啲、對小朋友好啲。」

「而且，上一輩認為生小朋友好容易，又講『貴有貴養、平有平養』。但而家生活成本高，小朋友之間競爭大，好難做到『平養』。」Michelle又說，做父母想將最好的給小朋友，又想把資源集中在子女身上，已不同以往的思想，小孩都是「一個起、兩個止」。

奶奶恨女孫　狂送粉紅色禮物

Michelle的新書用上專頁「我的極品四大長老」為書名，集結了身邊朋友的故事，從未在專頁分享，當中也有令她印象深刻的故事。

「有位奶奶好鍾意女孫，但朋友生咗個囝囝。奶奶就開始將男孫當女孫湊，又不停送粉紅色禮物畀佢。」朋友初時不好意思拒絕，照收不誤，但奶奶愈送愈多，她怕浪費便請奶奶減少購買，卻惹怒奶奶，實是「好人難做」。

她指，平日收到讀者和朋友的傾訴，也會提供機會給她們發洩，但不會多加意見。而新書中，她亦沒有加入自己的經歷或心聲，不過藉此多謝她的奶奶和丈夫給予的支持。她希望當人妻們看完別人的經歷，會感到「You are not alone」，旁人也正經歷同樣的糾紛呢！