【愛心平飯・有片】新蒲崗飯店24元任食　老闆娘：重金難換街坊情

今時今日一頓午餐動輒也要40元，有沒有想過24元竟可吃到自助餐？
在彩虹道街市熟食市場裡，有一間開業廿多年的良心小店，街坊只需付出24元，便可坐低任食廿多款家常菜，甚至將食物「打包」帶走。即使面對勞工及食材成本上升，小店老闆黃有多（多姐）堅持以近乎成本價經營平價自助餐生意，一年前曾有食店建議「合謀加價」，結果被她拒絕了，原因很簡單，因為街坊感情是用金錢買不到的：「幫到老人家就幫啦，有錢都唔駛嚟呢度咁熱咁食啦，只要我交到租畀到人工，維持到都唔會加！」

位於彩虹道街市熟食檔的順豐飯店，近年堅持以24元任食自助餐為一眾老街坊服務。記者上月中（5月）中午時分來到檔口，多姐如常地準備家常小菜，蒸鯇魚及咕嚕肉等廿多款菜式，源源不絕供應。食客以中年男士及長者為主，他們付款後便拎起餐碟夾起自己喜愛的菜式，部分菜式因太受歡迎，甫放低便旋即被掃清光，但多姐不時為都食客「加餸」，並嚷著要客人「食飽啲」。

雖然近年食材價格急升，但多姐毫不介意「蝕底」：「你屋企都可能唔只兩三個餸啦！個肚好公道架嘛！咁佢地（客人）都好有良心、佢都係食到飽唔係掉咗你，真係食幾多拎幾多嘅，唔會浪費。算啦！」

拒合謀加價　與鄰店攪到「面阻阻」
多姐稱，由於熟食檔位為食環署轄下管理，租金較商場舖便宜，加上現時每名伙計的一萬多元薪金，每位人客收24元僅僅收支平衡。多姐說，一年多前鄰舖老闆曾建議「合謀」加價至28元，賺取更多收入，但遭她一口拒絕，鄰店從此起不打招呼「面阻阻」：「我呢度全部熟客！佢地都幾十歲無錢囉，你加佢價自己個心都唔安落啦！為咗加一、兩蚊，唔洗啦！你睇一兩蚊好少，佢地每一蚊睇得好大！」

訪問期間有長者將食物「打包」帶走，多姐邊為婆婆整理邊說：「係有人拎走食嘅！（有無客人食完午飯再打包拿取晚餐？）都有啲，都係環境所迫嘅！」

多姐堅持工作：有客同我講，我唔做佢無飯食
多姐今年已年屆64歲，炎炎夏日仍於熟食中心工作分外辛苦。被問到會否退下來時，多姐說：「年終無休，初六做到年三十晚。」多姐育有的4名子女已經出身，家裡的基本支出不用擔心，但多姐說不想退下來無所事事：「有客同我講，我唔做佢無飯食，我諗做到做唔到先會唔做，其實呢度做義工都無所謂。」