【許仕仁貪案】郭炳江准保釋候終審：「阿媽，我返咗嚟」

前政務司長許仕仁與新地前聯席主席郭炳江的貪污案，上訴庭早前駁回四名被告的上訴。終審法院今日決定受理各人申請，案件會於明年5月9日審理。法官批准郭炳江以1,000萬元現金保釋外出，等候上訴，其餘上訴人則須繼續還柙。郭炳江表示多謝家人同事支持，指自己在獄中體會生命寶貴。

郭炳江約於下午2時19分保釋外出，其子郭基煇跟新地員工在外守候時，難掩緊張，緊合雙手站在門口。郭基煇坦言「要看來穩重點」迎接父親，庭外則有半百記者等候。

郭基煇甫見父親步出法院，送上一個大擁抱。郭炳江表示，在18個月還柙期間，「好多謝家人同事支持，覺得好感動」。郭炳江坦言「唔信自己喺呢度」，一年半過去暫別監牢，要與母親鄺肖卿說句「阿媽，我返咗嚟」。

郭炳江續形容當下的心情是「 Can't control myself, so excited」，被問到對事件有何體會，他指「生命中喪失咗啲嘢，先知道生命好寶貴，係神嘅祝福。」

郭炳江離開上車時，一度受半百記者擠擁，而兒子郭基煇被排擠在後，須呼喊才得讓路上車。

許仕仁被指在2005年上任政務司長前後，從新地收取850萬元及1,118萬元、免租金租住禮頓山豪宅等利益。

2014年12月，因串謀犯藉公職作出不當行為等罪的新地前聯席主席郭炳江及許仕仁分別判囚五年及七年半，另外，涉案的新地前執董陳鉅源，及港交所前高級副總裁關雄生則被判囚6年及5年。

郭炳江見記者答問全文：

記者：一出感覺點樣？
郭炳江：唔信自己喺呢度
記者：有咩最想食？
郭炳江：冇，未諗
記者：最想做咩？
郭炳江：阿媽我返咗喺，睇下佢身體好唔好，要同佢食餐飯。亦好多謝家人，屋企人呢18個月，同埋我啲朋友，同埋我啲同事咁支持我，令我好感動。喺獄中我都受到好大鼓勵，喺獄中期間，蘋果黃小姐喺唔喺度？你寫左好多信畀我，但我唔方便答你，我希望你明白，記得你點樣。
記者：這年半獄中生活如何？
郭炳江：好有規律性，不過最好唔好喺裡面，可以選擇。
記者：How you feel?
郭炳江：Very nervous. I can't control myself. ya... so excited.(感到緊張，無法控制自已。)
記者：有何體會？
郭炳江：嘩!好多體會，生命……當你喪失咗啲嘢時，你知道生命係幾寶貴，例如你自己嘅自由，好多嘢平時覺得好應該，其實係神嘅祝福。你冇咗佢時，你就發覺對你生命有幾大影響。
最簡單講，冇咗個電話冇咗個電腦，你都好難做嘢。獄中我做功課，用最原始方法，用手寫，逐篇逐篇寫，又唔可以寫錯字，寫錯字要另外做過，而家至發覺科技咁緊要，其他野都係，你哋未入過去就唔會明白。趁今日出到黎，對其他人有個忠告，珍惜你現有而家嘅嘢。