【港鐵四線故障】收工改搭船搭巴士過海　上班族：不應平日換系統

港鐵在早上繁忙時間，四線發生信號故障，包括港島線、觀塘線和荃灣線、以及將軍澳線，部分須候車超過半小時，造成大批市民返工遲到。由於港鐵預告黃昏繁忙時間信訊仍可能不穩，有市民收工轉搭傳統交通工具過海，有市民痛斥港鐵安排不善，不體諒上班市民。

四小時才到公司　西貢居民：好忟憎

盧小姐居西貢、於上環上班，平日由西貢搭小巴至太子轉港鐵，車程約需個多小時，但今早耗用約四小時，「冇咗個朝早」，由於擔心收工再發生故障，故改搭城巴入天水圍與友人見面。她認為系統升級存在風險，批評港鐵不應在上班日期間進行，而今早故障期間亦不覺有接駁車服務，「唔係咁體諒市民，好忟憎。」

港鐵故障多　乘客促減車費

住在美孚的王先生，平日搭港鐵返上環約需半小時，今早額外多一小時才到公司，「今早情況麻煩，比較混亂」，他決定下班改往中環搭船過海，再搭巴士回家，「仲平啲」。

上水居民張小姐今早搭東鐵線至紅磡，轉過海巴士301至上環上班，幸她較早出門口，只比平時遲15分鐘，但她聽聞住港島區同事搭港島線由筲箕灣往上環，卻用了兩小時。她認為港鐵是市民主要交通工具，但不時故障，理應減價。