【荃灣臭海】颱風吹爛防臭膠簾　荃灣海傍惡臭加劇

藍巴勒海峽的名字雖美，但因區內雨水和污水渠渠道錯駁，令海旁一帶長年惡臭難擋，途人皆掩鼻而行，居民更叫苦連天。其中近馬頭壩道的箱形暗渠，約3年前加設了一塊大型膠簾，希望能阻擋臭味，惟「山竹」過後，膠簾嚴重破損，至今仍未維修，或會令惡臭問題加劇。地區人士表示，臭味問題持續至少10年，而設置膠簾等物理除臭的方法成效存疑，促盡快檢討並提出真正的改善方案。

「過去區議會環境事務委員會報告，次次都話只有輕微臭味，同街坊意見好大差距！」荃灣海濱居民促進會成員莫遠君指，荃灣海旁臭味存在多年，久久未見改善，他認為過去的報告似是未有反映實際情況，質疑是否標準過低，且未有考慮居民意見。莫又指，渠務處雖然於2015年在其中一個箱形暗渠設置大型膠簾，但據居民反映，臭味問題仍然嚴重，「去到2018年5月，環保署都仲係話監察緊有冇用，係咪好應該公佈一下成效係點？」

日前組織發現，該大型膠簾在颱風過後變得「溶溶爛爛」，颱風後至今未見維修，除擔心臭味問題會因此加劇，亦希望能藉此機會檢討膠簾成效，並作出優化和維修。除此之外，莫認為現時「荃灣臭海」秉用的除臭方法或也有改善空間，「無論係膠簾定係嚟緊會完工嘅4個旱季截流器，其實都仲停留緊喺物理技術，可能考慮化學或者生物除臭方法，或者更有效改善臭味？」莫指，啟德明渠亦曾使用一些新式除臭方法，希望部門不要再因循守舊，「踢一踢郁一郁」，要認真研究真正的改善方案。