【壓力真係咁大？】傳統餅家推粗口月餅　夠膽送畀老細或奶奶嗎？

中秋佳節又快到了，吃慣了傳統月餅，有點沉悶？有西環餅家就推出粗口月餅，送禮自用兩得宜，引來市民熱議，負責人更在一夜間收到逾500人查詢。

華爾登餅家已經在西環區扎根34年，負責人Naomi接受《香港01》查詢時表示，自昨天在網上公佈開賣粗口月餅消息後，一夜間收到超過500個訊息，反應之好完全超乎她想像。「痴線㗎，我尋晚覆message覆到無瞓過啊！香港人真係大壓力。」一盒6個粗口月餅定價為228元，有3種口味選擇，分別是蛋黃白蓮蓉，字樣為「打X你 寶寶」、 「心好累X街」、日本紫薯蛋黃「好X正呀喂」、「X你咩 哈哈」和日本綠茶豆沙蛋黃「痴X線 親親」、「係愛呀 哈利」。

Naomi指她每年都會訂製特別的月餅模，親手做好月餅送給朋友。以前就訂造過 「叻叻豬」、「Think can you can」等模型。今年她就想搞搞新意，訂了一個「X你咩哈哈」月餅模，友人覺得很有趣，所以放到網上和其他人分享，結果竟然惹來不少街外市民查詢是否可以訂貨。「其實我都諗咗好耐，究竟賣唔賣好，但最後都係決定突破吓，豁出去！哈哈。」

她指餅家由媽媽和她二人負責打理，但粗口月餅的製造都是她自己一個人做較好。 「粗口呢款都係我自己搞返啦，靜雞雞整，媽咪就...唔好搞啦，哈哈哈。」Naomi早兩天才決定要公開售賣粗口月餅，全部由她一個人負責製造，現在已經接了約200張粗口月餅訂單，因反應太好，她怕自己不夠時間做，所以還在考慮是否接受客人單個購買。如果可以，定價將是38元一個。不少客人指將會訂來送給朋友。Naomi笑言: 「唔通真係訂畀奶奶同老細咩？」