【食蠔專員】人人以為筍工　老闆：邊有咁輕鬆　員工唔想再食

最近有高級食材連鎖集團用2萬元人工，在網上招聘「品蠔專員」，不少人大讚是「筍工」。高級食材連鎖集團Ocean Three創辦人之一的何智聰稱，大家想得太美好，「個個以為係筍工，世界邊有不勞而獲咁輕鬆」，又稱「專員」委以重任，是確保生蠔品質的最後把關。
現時兼任「品蠔專員」的市場部主管的Russ稱，「本身我好鍾意食蠔，但每日咁樣食，已經唔係享受」。

Ocean Three創辦人之一的何智聰日前在Facebook專頁公開招聘月薪2萬的食蠔專員，職責是每日試食20隻生蠔兼寫食評，5天工作兼每日工時只有5個小時，帖文一出立即引起網民熱議。他稱，有應徵者「覺得生蠔品嚐員是請佢食生蠔，問我食完20隻，唔夠可唔可以再食」，更有人詢問可否找朋友一起吃。何智聰稱，大家太輕視食蠔專員的工作，「我哋要請嘅係球證，而唔係請佢睇波」，直言「品蠔專員」是最後把關，要確保蠔的品質，可以出售予市民大眾。

現時兼任「品蠔專員」的市場部主管的Russ加入此公司3年，他稱由原本很喜歡食蠔，但現時已經減退了。「但每日咁樣食，已經唔係享受，係一份工作同責任」。他解釋，現時每星期來貨2至3次，每次每款生蠔均要抽取2至3隻「試食」，從而確保其味道、品質。有時公司亦會引入新蠔，他亦要負責「嘗鮮」，分析味道、質感，再與同事、老闆交換意見，甚至是撰寫報告。Russ寄語應徵「品蠔專員」的人，「呢份工作絕對係需要專業，唔係求其」，要想清楚是否真有興趣。

腸胃肝臟專科醫生吳昊稱，進食20隻生蠔對身體無害，「但如果長期經常食20隻生蠔，有機會膽固醇偏高」，又提醒生蠔有機會受諾沃克病毒、沙門氏菌、甲型肝炎病毒及戊型肝炎病毒感染，若果進食生蠔後感到不適，必須立即求醫。