【行人專用區】表演者聞「殺街」落淚　望轉戰尖沙咀唱下去

油尖旺區議會早前通過取消旺角西洋菜街行人專用區，根據運輸署文件，將於8月4日正式殺街。
旺角街頭表演者鍾嘉嘉表示，聽到「殺街」消息後，忍不住落淚，「心情好差，好唔捨得」，她稱日後或轉戰尖沙咀，繼續跟一班歌友落力唱。
但此舉引起平日在尖沙咀和銅鑼灣表演的街頭音樂人JL擔心，「可能表演者嘅距離愈來愈近，用嘅喇叭愈來愈大聲，亂咁擺位，令到聽歌嘅環境好不理想」。

旺角行人專用區「星光熠熠」、「歌聲不斷」的畫面，快將成為絕響。事關油尖旺區議會早前通過取消旺角西洋菜街行人專用區，8月4日正式殺街。消息一出，不少旺角街頭表演者大嘆可惜。正職補習老師的鍾嘉嘉亦不例外，她稱想起快將「殺街」就忍不住落淚，「心情好差，好唔捨得」。

熱愛歌唱懷舊金曲的嘉嘉，三年前由西九文化區轉戰旺角行人專用區表演，每逢星期六日，風雨不改。她稱，西九文化區位置偏遠，觀眾極少，所以喜歡到旺角表演。「呢度係我屋企，我覺得自己係旺角嘅一份子，同一班朋友一齊唱歌，真係好開心」。

但這段開心時光，快將成為過去，旺角行人專用區「殺街」後，嘉嘉和一班歌友或無處容身。「政府點解要一刀切殺街，而唔係諗方法規管呢？」嘉嘉大嘆，她們自問表演質素良好，很守規矩，不會過份大聲，亦願意申請牌照，依法表演，但奈何一班「害群之馬」表演質素差勁，令市民反感。

「殺街」已成定局。嘉嘉稱，有少部分朋友已轉到尖沙咀表演，「未來有機會嘅話，我都會去尖沙咀演唱」。但此舉引起尖沙咀街頭表演者擔憂。街頭音樂人JL稱，「可能表演者嘅距離愈來愈近，他們用嘅喇叭愈來愈大聲，亂咁擺位，令到聽歌嘅環境好不理想」。他建議政府建立發牌制度，依法規管。「唔可以任何人想出嚟表演就出嚟，每個人都咁做，會造成反效果。」