【認識社區】先人都會搬屋　香港邊度以前係墳場？

在生之時要為住屋籌謀，又要準備定過世以後有地長眠。以前香港人要回歸黃土，可不是隨便挑一個風涼水冷的墳地如此簡單，原來以前部分墳場不是人人都葬得之餘，有墳場更因被關閉，令一眾先人要「搬屋」！

香港作為英國殖民地的早期，華人和洋人的社會階級待遇有別，但想不到人死燈滅後，下葬的地方也非相同。「西人就葬去大英墳場，即係而家香港墳場，全部都係啲有頭有面嘅西人葬喺嗰度。」香港歷史博物館名譽顧問鄭寶鴻舉例，何東爵士家族雖在薄扶林擁有昭遠墳場，家族成員去世後亦葬於該處，但有荷蘭人血統，身分顯赫的何東爵士本人則埋葬於大英墳場。

不過，大英墳場並非當時唯一華人不能下葬的地方，他說早期甚至出現只為洋人而設的西人墳場：「原則上跑馬地嗰度好多都係葬西人嘅，甚至係香港仔、田灣、而家瑪麗醫院對落嗰一帶，早期主要都係畀西人，到後來先畀埋華人。」

到20世紀初，墳場慢慢已無華洋之別，不過香港部分墳場曾被關閉，而令先人要「搬屋」。移動一眾先人陰宅背後的原因，竟和在生之人的住屋問題有關：「嗰時有個輔政司叫做杜德，佢話以生人嘅住所為重，死人嘅墳地為輕，所以就將好多墳場嘅地用嚟畀生人起住宅。」鄭寶鴻指正因如此，政府下令興建和合石墳場：「其實個墳場1940年嗰陣已經落成，但係經過日佔時期、淪陷嗰時就冇乜郁到，和平後先搬咗去和合石，變咗好多墳場都封閉。」

關閉了的墳場，現時已經已和城市融為一體，令人看不出曾是逝者永眠之地。鄭寶鴻說包括現時變成了高尚住宅區的何文田，以及一些大家都在使用的政府設施：「有一個叫咖啡園墳場，後來嗰度就開闢咗政府大球場。」