田北辰指馬時亨、梁國權僅識財務 倡港鐵主席或CEO需具工程背景
撰文：黃靜薇
出版：更新：
港鐵沙中線紅磡站、土瓜灣站、會展站相繼爆出施工不當的情況，令人關注鐵路安全問題，更有指港鐵主席馬時亨應問責落台。
立法會鐵路事宜小組委員會主席田北辰今日（24日）在電台節目上表示，政府長遠應思考委任港鐵主席或行政總裁時，應該要有工程背景，「最大嘅問題就係梁國權同馬時亨都係財務背景，係『篤數』㗎啫。」
港鐵沙中線先後爆出多項工程失誤，立法會鐵路事宜小組委員會主席田北辰出席電台節目《政好星期天》時，提及紅磡站擴建工程月台涉及2.6萬個螺絲帽，多達兩成有被剪短的情況，憂慮鐵路安全的問題，又提出政府及港鐵應檢討及進行改革，避免日後重覆犯錯。
田北辰表示港鐵日後是否應考慮增設多一個工程總監，專責不同的項目，「𠵱家得一個人，開記者會佢答你就答你，唔答就唔答，起嘢又唔係一個人起晒，咁簡單既野點解佢唔諗？」
港鐵工程總監權力過大
他直指現時的港鐵工程總監黃唯銘權力過大，「黃唯銘揸住廿千億工程批畀人，咁多權係一個人身上，你自己諗吓，點解唔可以分開兩樣嘢，高鐵同沙中線有乜關係，點解一定要一個人睇晒？」
工程部門成「獨立王國」
他又指特首林鄭月娥在上任時提到有三座大山，其中一座便是港鐵，故林鄭應該力推內部改革，包括日後委任的主席、行政總裁需要有工程管理經驗，「起鐵路係好複雜，如果兩個重要的職位都無人熟，就變咗黃唯銘嘅部門變成獨立王國，呢個先係恐怖！」
田北辰續指若然主席沒有工程背景等經驗，是否馬時亨擔任主席也會有相類的問題，「佢如果有工程背景，就可以有改革，這是唯一方法，最大的問題梁國權都係財務背景，係『篤數』㗎啫，唔係呢方面嘅人才。」