【窮人恩物？】十蚊嘆到日式下午茶餐　記者實測結果原來係咁……

百物騰貴，在茶餐廳食個下午茶動輒也要三四十元，平民百姓想「食平啲啲」也不是易事。有沙田居民開心大發現，指水泉澳廣場內有間日式料理店推出極平下午茶餐，星期一至五下午茶時段，西多士、米粉、烏冬、牛丼等款款都只是＄10。至於食物質素如何？01記者決定踩場試食，結果……

該日式料理叫「十勝牛和食料理」，位於沙田區新屋邨水泉澳廣場一樓。01記者下午三時來到料理店，人流不算太多，餐廳只有約三至四成滿，環境尚算乾淨寛敞。驟眼望去，用餐的多是附近街坊，不過出奇地，選食十蚊茶餐的人並不算多，莫非有伏？

「十蚊嚟講（性價比）差唔多啦，以後時間啱都會再嚟食嘅。」一位帶著三個小朋友的媽媽說，他們也是第一次點這個茶餐，小朋友則點點頭：「雞翼好味！」部份街坊則指，下午茶細細份，就算點選餐牌三四個餐「樣樣有啲」才等同正常茶餐價錢。

記者點了鳥丼（雞肉飯）和雞翼配炒烏冬，坦白講份量都幾「的骰」，雞肉飯（鳥丼）和雞翼炒烏冬兩啖就食完，下午茶還可以接受，但如果想下午茶當午餐食，以女記者的食量，都覺得「唔夠飽」。雞肉飯（鳥丼）選用珍珠米，口感不錯，雞肉尚算嫩滑有汁，整體味道不太濃；但炸雞翼嘛，一口咬下去，略嫌過硬。

不過，若論性價比，十蚊下午茶餐，的確超值，但要留意是，茶餐並不包飲品，需另加$6才加配冷熱飲品一杯。

記者最終只點了兩個茶餐，沒有加配飲品，結果只以廿蚊埋單，店員跟記者指，水泉澳邨在2015年始入伙，這間「十勝牛和食料理」是2017年年頭才開始營業。記者曾多次嘗試接觸餐廳負責人，結果都沒有回覆。