【紡織大王逝世】唐英年凌晨返港處理父唐翔千後事　哽咽多謝慰問

前政務司司長唐英年父親、有「紡織大王」之稱的唐翔千昨日（10日）仙遊，享年95歲。正在北京出席兩會的唐英年今日(11日)凌晨近1時坐夜機抵港，他在機場面帶悲傷向傳媒說，返港後首先辦理父親死亡證等手續，以及排期火化，並因未能見父親最後一面而兩度深表遺憾。

唐英年說，感謝各方對父親離世的慰問和關懷，「爸爸95歲，喺佢95年期間，一路都知道佢有好愛載佢嘅家人，同埋好朋友都好關心佢。佢係好安詳離世，我哋好欣慰，佢係冇受到任何苦。」他說到家人感到傷心時，一度哽咽，「到底佢陪咗我哋咁耐……我自己係有啲遺憾，因為我自己喺北京因為工事，未能見到最後一面，感到好遺憾。」