【泊車難】大車點算好？　專家駕TESLA Model X實測：一定要偷位

泊車位的標準面積，廿多年來未有修訂，曾駕駛多款汽車的電動車協會會長關卓明表示，駕駛較長身的車輛，除了要留意停車場的狹窄彎位，亦要盡量選擇毗鄰沒有車輛的泊位，「除咗要小心扭多幾手軚，更重要係盡量偷位。」
實測當日，無論街邊的咪錶位，抑或政府的多層停車場，關卓明駕駛Tesla Model X由於長度及闊度都非常接近泊位面積標準，故泊車時要「左度右度」、甚至「踩晒界」才能泊好車，乘客司機也可有空間落車。然而，他慨嘆泊位標準的設計並不合理，「我咁樣泊完，隔籬要泊多架同款、同大小嘅車係無可能。」

記者早前借來一架Model X，邀請關卓明實測車長達5米的車輛，在咪錶及停車場泊車時遇到的窘境。在嘗試停泊路旁咪錶位時，雖然左右泊位都無車輛，但仍會出現「泊過界」的情況。由於咪錶位是根據《香港規劃標準與準則》而設計，故面積剛好是5米長乘2.5米闊，由於Model X剛好長5米，其闊度亦達2.2米，為了令車頭不會凸出車位之外，只能在車尾「偷位」，部份車身凌空佔用行人路。

關卓明指，其實已反映標準車位「唔夠用」：「如果車尾係一幅牆，我邊有位偷？」他又說，泊好車後，若停在左右車位的車輛要開門，必須非常小心，「因為真係得番好少位。」

「踩過界」乘客才可落車

路旁咪錶位已經難泊，政府多層停車場會是怎樣一番光景呢？實測當天，關卓明駕駛Model X在荃灣多層停車場泊車，兜兜轉轉、一層又一層，入閘後花了近十分鐘，才在頂層找到兩個相連車位空出，迫不及待要立即泊入去，「好多位如果旁邊有車，我都唔太敢泊入去，因為入到都開唔到門。」

由於泊位後面是牆璧、前面則有樑柱，關卓明決定違規「踩過界」，令車身友邊則「貼盡」旁邊未有車輛停泊的泊位，「我右邊車轆踩晒界，右側鏡直情過咗隔籬位，其實係阻住其他車泊入嚟，但無辦法，我唔貼過去左邊，乘客係開唔到門落車。」即使如此，車頭仍有部份位置超出界線外。

停車場設計不利體積大私家車行駛

立法會議員譚文豪指，其實除了泊位面積，不少停車場的通道設計，都不適合體積稍大的私家車行駛，「我哋成日見停車場好多牆身都花晒，可以想像到一年到底有幾多架車喺度留低『簽名』，刮花自己架車。」

他認為，政府在停車設施方面的規劃標準已過時多年，未能切合新車的變化，「依家咁多七人車，但個泊位仲係用幾十年前啲細車做目標對象，點可能呢？」

但譚文豪承認，倘當局增加泊位面積標準，發展商在興建停車場時有可能出現「唔夠數」的情況，未能符合最低泊位數目要求，「但呢個係有雞先定有蛋先嘅問題，一日唔改，個情況一日都會存在，唔係當睇唔到就得。」