【社區人．訪】新加坡當兵5年　恐怖公仔收藏家回流追演藝夢

陳永尉的西裝店裏，藏着幾百隻恐怖公仔，從經典恐怖電影角色到活死人娃娃，每一隻公仔都是他從各地搜羅回來的寶物。
別人覺得他怪，但聽他說著自己的故事，他怪得來也很務實：在新加坡當過兵，回港後開西裝店，一直營營役役地過活。只是造西裝較偏愛花俏款式，也渴望當演員，還拍過港台單元劇和西片。
他其實只想為刻板的生活中，來點突破。
攝影：梁鵬威

5年的軍旅生活

生長在一個普通家庭，陳永尉8歲時遇上移民潮，碰巧母親被公司派到新加坡當「開荒牛」，要拓展新業務，於是一家人便舉家移民到這個熱帶國家。一邊說，他一邊哼唱了一段移民廣告歌：「廣告都成日賣：『那裏會是個天堂，新加坡。』」

「那裏滿載愉快臉容，讓我看見世上美好新境界，我會說聲新加坡！」正如這首經典廣告歌的歌詞，陳永尉在星洲渡過了一個愉快的童年，隨着18歲生日的到來，他也和其他新加坡國民一樣，展開了軍旅生活。「到18歲一定要去服兵役，如果唔係你唔可以出國、唔可以讀大學。」不過，和一般強制服2年兵役的年輕人不一樣，他一來就簽了5年約，成為了全職軍人，原因除了是全職薪水比較高，背後還有一份對制服團體的憧憬。

「我覺得任何着制服嘅人都好有型，因為佢哋做緊一啲常人唔能夠做嘅嘢，為咗完成任務，可以作出好多犧牲。」他在陸軍中學習步槍、丟手榴彈、在森林裏沒日沒夜地進行集訓：「嗰個年紀諗嘅嘢好戇居！冇諗到點樣發展、點樣賺錢。」但當5年的合約來到尾聲，他決定來個終結。「過咗5年咁樣嘅生活，我覺得夠啦。年紀唔同，諗嘅嘢都唔同咗。」

表面很怪，內裏踏實

「完咗之後，我覺得要去下一個階段學嘢，或者搵新工作，冇諗過要停。」合約一完，陳永尉馬上買機票，隻身回港：「我唔停得㗎！停咗好悶，我唔鍾意個人冇嘢做。」深明從軍的經歷在香港地找工作派不上用場，他就跟從事訂製西裝生意的親戚學習有關知識，以此謀生。

作為一個經歷和興趣都較特別的人，陳永尉的想法出乎意料地踏實。但對於好動的他來說，「造衫」這一行悶得很。「我成日想有啲改變，或者做一啲比較另類、『花碌碌』、好似睡衣咁嘅衫。」他興奮地說着：「我特登去買啲好奇怪嘅布料幫客人造衫，嗰時啲傳統師傅都會話：『有冇搞錯！啲衫邊會有人着，成個紙紮公仔啲衫咁樣！』」即使做着踏實的生意，在別人的眼中，他仍是一個怪人。

他的演藝夢

從「學師仔」到開了自己的小店，陳永尉開始有了穩定的生活，但到了這時候，他卻突然追夢。「其實我一路以嚟就係想做演員，但係演員嘅路係好崎嶇，唔係我舉手話想做就得。」他上過訓練班，又到處參加試鏡，碰壁之後再試，這條演員之路不平坦之餘，他也聽盡了不少冷言冷語：「有啲人話你喺度做，衰極都叫做老闆，走出去試鏡咁肉酸。但拍戲係咁㗎啦！係劉德華嗰啲先唔使試鏡嘅啫。」

幸運地，他得到不少演藝界朋友、導演提攜，參與了不少影視製作。他曾參演過港台單元劇《同行者：夜》，在戲中他做夜展社工，是主角之一；又曾在西片《攻殼機動隊》做過流氓。演藝之路漸見曙光，但他仍在經營西裝店，做着那個很悶的行業。「香港好似打擂台咁，唔係你輸就係我贏，𠵱家呢個地方三萬蚊租，一個月賺兩萬，你覺得都唔錯，但去到下一個租約，你呢度可能就變成5萬蚊租金，連你本身賺開個兩萬蚊都冇埋，點生存啊？」看似隨性的他，在生活上總是很「穩陣」：「我知道喺香港生活，隨時要做出好大改變。」

香港像青山病院

聽着陳永尉說香港，總覺得這環境在他眼中不盡如人意，他也直說初回港時也不太習慣。「香港雖然係國際都市，但其實啲人嘅思想都相對保守，甚至有啲封閉。」他續道出一個和朋友之間開的玩笑：「我覺得香港係一個大型嘅青山病院，入面住咗700幾萬病人，其實個個都有精神病，差在係你病得重啲，定我病得重啲。」雖道香港有如「精神病院」，但陳永尉並無後悔回港。住在這城市十多年，他慢慢習慣了這個地方的步伐，在這裏落地生根。