【社區人．訪】香港最年輕玩家　15歲港青自砌無人機入世界賽　

在草地上高速飛馳，遇上障礙物前即急速向上衝，飛抵半空後再360度迴轉……說的是一架無人機，而操控這架機的，是個只有15歲的青少年。
隨着科技發展，玩無人機已不再限於航拍，坊間亦興起了這種非常刺激、競速專用的「穿越機」。今年15歲的Michael，是香港最年輕的無人機玩家，年紀輕輕已對結構複雜的無人機瞭如指掌，更會自砌無人機，連荷蘭電視台也來訪問他，近日更獲邀在11月參加FAI(國際航空聯合會)世界無人機錦標賽，與各地世界級飛手一較高下。
他對這運動，近乎迷戀。「你想穿過龍門、你想去海出面，只要你架機有能力，你個心態夠好，咩都可以做到。」他說。
攝影：高仲明　　拍攝及剪接：馮嘉雯

客廳書桌上放滿零件和工具，眼前膚色黝黑的Michael一臉認真，專心地將零件組裝，時而燒焊，時而剪裁黏貼，在機架上安裝摩打、鏡頭。見他這樣認真，記者和攝影師也屏息靜氣，不敢哼出半句。數小時後，一架「似模似樣」的穿越機終告完成。

撞機太多決定自砌

Michael自小鍾情遙控玩具，7歲已玩遙控車，及後迷上小型「四軸」(飛行器)，也玩過不同款式的遙控飛機和航拍。Michael 的媽媽跟我們說，兒子初時只買現成玩具，每隔數天便央求她買新機，因而鼓勵他自行組裝，「佢一撞就爛，下下用幾十蚊幾百蚊買一部機，倒不如叫佢自己學整，有部分撞壞咗可以更換。」Michael媽媽Gretchen說。

Michael說，他的砌機技術無師自通，只靠觀看網上影片學習，「第一部可以飛上天嘅，係一部半米長嘅機，雖然最後撞咗，但嗰時真係好開心！差唔多3、4日冇停過，一路係咁砌，除咗食飯，基本上瞓覺都少咗。」

砌完再爛無限輪迴

由買零件、砌機、練習，全由Michael一人包辦，現時於寄宿學校就讀中四的他，平日要在宿舍溫習做功課，周末才能回家，做自己喜歡的事，「通常星期五晚返屋企，星期六開始砌機，砌得快就可以晏晝出去飛，唔係就要等到星期日，飛一陣傍晚就要返宿舍。」雖然競速無人機的零件都是高規格，不過玩家追求更快速度和更多花式，飛行時技術上稍有不慎，無人機便當災。Michael指，多年來撞爛的無人機多不勝數，基本上每個飛手都要面對「爛完再砌」、「砌完再爛」的無限輪迴。

「『飛』嘅驚訝度真係好犀利，你可以去到邊都得，想做乜都得……你想穿過龍門、你想去海出面，只要你架機有能力，你個心態夠好，咩都可以做到。」

荷蘭電視台也來採訪

走到室外，來到位置隱秘的摩星嶺配水庫公園，Michael談起無人機即眉飛色舞，與在家中砌機時的沉著判若兩人，「我鍾意無人機係因為有自由度，車一定限喺地上、船一定喺水，但飛機呢，去邊度都可以。」因現時並沒有無人機專用場地，平日練飛，Michael要盡量遠離人群，四處尋找「隱世秘境」。除了各大配水庫遊樂場，還有入深山。他不時獨自一人背負大背包，帶着修補用的零件、工具，還有摺椅、水樽，再連同FPV視頻眼鏡和遙控器攀山涉水前往練飛。早前Michael接受荷蘭電視台訪問，攝製隊人員跟隨他試行上山，亦表示甘拜下風。

認識世界級高手

提到玩無人機前後的分別，Michael指每次飛之前，他也要事先規劃行程，臨場亦要為損壞的機件維修，以及鍛鍊手、眼協調。「𠵱家出街多咗，會好留意天氣消息，個人亦細心咗。」只見他在陽光下戴起FPV眼鏡，手指在遙控器上來回撥動，無人機在前方呼呼作響地飛馳，Michael示範花式時不禁露出笑容，「之前都冇朋友會玩(無人機)，我係靠呢個運動去參加唔同比賽，世界賽、香港賽都會有，識到好多朋友，所以我大部分朋友都係海外、世界級機手嚟！」

參加世界賽

Michael曾在第六屆HKFPVR 穿越機競速比賽中取得第三名，最近亦獲邀在11月參加FAI(國際航空聯合會)世界無人機錦標賽，比賽中每個國家或地區要派5個代表出戰，其中一個需是18歲以下。從比賽的網頁可見，除了香港隊伍，還有澳洲、法國、丹麥、芬蘭等國家隊，「𠵱家最厲害嘅世界飛手係來自南韓，只係20歲，有部分飛手係全職去玩，唔使返工返學。」面對實力十足的世界級選手，雖然Michael與一眾香港隊隊員都不敢鬆懈，但亦「志在參與」，「比賽嘅目的唔係去競爭，係真係開心，飛之前和之後，我哋都係有談有笑，如果撞咗機，大家係會笑你。」

媽媽：負擔也不小

「都唔知好定壞，係見佢玩得好開心，不過都擔心學業或者其他活動會荒廢咗。」媽媽Gretchen指，眼見Michael對無人機並非三分鐘熱度，她都非常欣慰。她和丈夫都很支持Michael玩無人機，但購買零件、工具甚至3D打印機等的費用，對小康之家而言，負擔也不小，「比賽入面要求佢整4部一樣嘅無人機嚟替換，平時我哋只係畀到一部佢，就算有公司贊助，都只係買零件時提供折扣，但見佢咁努力，我哋都唔想佢就咁放棄。」