你收工了嗎？老細放假逼你應Group chat　打工仔：去邊都走唔甩

作為世界第一的香港打工仔（全世界工時最長），引頸以待的標準工時立法仍處於討論階段，但工作時間和私人時間的界線早已變得模糊，有人說「本來就沒有真正收工」這回事。科技如此方便，老闆傳一個Whatsapp來，其實仲有冇得收工？
編按：有打工仔坐擁40個公司群組，亦有公司用盡各種通訊軟件：Facebook messenger、Whatapps、Slack、Kakao、Line、Wechat。全公司聯絡的用Slack和Kakao，功能上的分別無從稽考，同組講是非或純公事的則用Facebook messenger；project group則用whatapps；與內地客聯系用wechat；《來自星星的你》大熱時期line推出新貼紙，老細就轉用line。各種軟件不同notification的通知鈴聲，可以奏出四重奏。每天起來在床上得先查看各大軟件群組的訊息，有時候真的會漏看。
只是，即使公司只有一個通訊軟件，一個群組，也可以炸人於無形。

每個人都要應機

阿平（化名）公司用的不是Whatsapp，而是Wechat（微信），沒有已讀、在線上的功能，但亦隱不了身。公司只有一個群組，阿平還是兩個月就辭職，「走唔甩」他常常如此說。

阿平在一間時裝品牌當攝影師，負責拍攝所有男女裝和配飾，所有部門需要的相片，而全公司只有他一個攝影師。「Ｗechat只有一個公事群組，但Big boss都在內，即創辦人，每一句話都要小心翼翼。」多小心也得開口，「一小時都超過30、40個訊息，每個人都要應機。不應，老細會覺得不尊重他。不可能說是鬧，但會叫你『畀啲反應、畀啲反應』，你是老細的話，說了些話，但冇人回應，你都覺得冇癮啦。」

朋友曾跟阿平共事，那時他向朋友呻：「痴線㗎班人，凌晨啲同事好似著咗魔咁都仲大家互相鼓勵：『大家加油，要做得更好。』」老闆要求員工wechat有反應，不只阿平的舊老細，他現任公司的女上司亦然。女上司年終評核員工時，召見一位編輯，劈頭便說：「平時你可以參與多啲啊。」編輯聰明，一聽便知說的就是whatapps群組的參與，編輯反駁：「我有㗎，我平時我有好多題目建議畀啲記者。」惟線下百分百投入，還不及線上一個emoji。

當攝影師，專心影相之外，也要時刻與同事交流，大概講求創意的行業都是這樣，「放工，星期六日，他們都不停有嘢拋出來，不會停的，例如未來這季，有什麼走向。我一放低個電話，他們已經有好多的交流，每一日都有動向，我影相，或是在電腦處理相片時，會放下電話，難24小時望着。」

對話紀錄令你「走唔甩公事」

與Sunny不同（請看：【有WhatsApp冇收工？】打工仔有40個公事Group：屙尿都要覆訊息），阿平的公司平日早已有大量brainstorm的機會，「每日都有正式E-mail來來往往，好多文書工作要回覆。好多會，嘩，真係好密。每日都有些例會，每星期再有一些比較大型的會議，不停brainstorm、brainstorm、brainstorm，嘩，有時真是兩小時以上。你成日開會，邊有時間做嘢？e-mail又要理，wechat收工搵到你，真係人都癲。夾攻。wechat是傾輕鬆點的公事，但都是公事囉。」

別以為逃避就可以，這個Big boss group如魔咒，「你開會見到佢哋(同事和上司)，他會問昨天wechat那個提議怎樣？你真係走唔甩，你唔可以扮冇聽過，因為wechat有紀錄。佢覺得就算你放假，得閒咪睇返囉，你睇都冇睇，就覺得唔尊重佢，你不在開會前做準備。」

不需會議紀錄，wechat紀錄已經提了老闆誰沒發聲，什麼時候下了命令，誰未執行，「就算放假，你都要睇一睇。一日唔望，唉，你第二日咪要睇，追post都好辛苦，因為真係好多。」

打工仔習慣冇收工？

「冇辦法啦，現在科技太過方便，係有少少驚咗wechat，有點抗拒的。」朋友說明明wechat是阿平溝女必備工具。阿平大笑幾聲，就受不了這樣的文化，返工兩個月後便辭職，「已經得一個人影，但冇時間畀你做嘢。」不過，他後來是苦笑的，認同這種文化是雙方造成的，打工仔也習慣了，「咩類型的工作都走唔甩group cha𠵱件事，睇下佢恐怖程度去到邊姐。」

任何通訊軟件的出現本來沒有好壞，有人用它聯繫親友，增進感情，亦有人用來與一大群同事溝通，加強工作效率。同樣的，亦有人利用通訊軟件之便，對員工進行另一種無形的剝削與壓榨，人離開了公司，靈魂卻離不開。「都係講兩句公事。」於是，放假遊樂之際，我們都慣了說這句「等等，我覆一覆公事先。」