姊弟戀90後IG當愛情拆彈專家　吵著放閃感情保鮮

打開Facebook或者Instagram，妳總會看到形形式式的愛情專頁，抵死風趣的、煽情感人的應有盡有，但要在已經泛濫的「愛情」市場中，要怎樣突圍而出呢？

兩個自稱「八公」、「八婆」的九十後情侶，一年前在Instagram成立了8laah.life的專頁，用自己的放閃照作「生招牌」，分享他們的愛情點滴。訪問前一天是專頁成立一週年，後一天剛好是他們拍拖兩週年紀念。”8laah”的讀音和＂Blaah＂相似，意思就是他們很嘈、有很多「愛情偉論」想發表。然而，外表冷酷的YC在訪談過程的話並不多，相反，常常笑容滿面的Blaire就不停＂Bilibala＂，為男友填補話句之間的空檔。

不想變質、不為賺錢

自言不懂畫畫的Blaire本身是一個網媒編輯，喜愛用文字的方式表達情感，又愛拍照，所以大膽向男友提議開專頁，男友也一口答應。上年辭退工作之後，剛好有五個月的空窗期，Blaire就每天寫文、執相，她憶述：「當時好集中做呢個Page，一開始要儲定好多文，希望頭一個月日日都出文。亦唔想求其寫人寫過嘅，要諗吓題材點樣先可以吸引到人。」成立初期，每篇文只得幾十like幾百like，老實說，可能Instagram加起來的朋友也不只這個數。到現時累積二萬多的followers，說爆紅不是說少也絕不是，「之前日日寫但無咩人睇，一個月之後，突然有個post係過千like，其實喺好開心嘅。」

「我同朋友一齊，無一個影到我想要嘅效果，只有佢先影到。」

無止境拍攝最辛苦

可以短時間內吸引了一群固定的觀眾，想必有他們的賣點。除了「入肉」的愛情文章之外，就是他們霎時文青唯美、霎時型格隨興的風格照。基本上他們每次出文前都會拍一輯相，如果太忙時才會用旅行時的舊相。將「影相當拍拖」的他們，不約而同有這樣的回應，YC：「但真係極辛苦！」Blaire：「真係好攰。」「有時係朋友幫我地影，但如果喺牆嗰啲，我哋會自己影。要走嚟走去又要set機，又唔sure影得好唔好，得十秒跑返原位。」最辛苦的主因，是他們都自認是要求高的人。Blaire：「少少唔滿意張相，就會話唔得啊，唔得啊！」YC：「有時張相我okay但佢唔okay，又要再影過。」每次都說是「影埋最後一張啦」，最後還是無止境地拍一整天。當然，有汗水亦有歡樂。問到二人拍放閃照會否尷尬時，她卻說：「唔會！我哋好癲㗎！可以前一秒chok樣，下一秒爆笑。」

能醫也自醫

因為工作繁忙的關係，只能從「每日一篇」改成「每星期一篇」。剛開始的文章只有Blaire在寫，到現在YC亦會隔星期寫文。除此之外，他們還要處理讀者們的愛情疑難。「有好多人direct我哋，好多，真喺好多，基本上日日都有，年紀最多喺18至20歲。」她還說：「感覺好神奇，好似當咗係朋友一樣，講晒成件事我聽，想要兩個角度嘅意見，好似好相信我哋咁。」會否能醫不自醫？其實向來都是當局者迷、旁觀者清。「例如我哋會叫人唔好咁咁咁，要畀多啲空間對方，但有時自己都未必做到。為咗安慰人，我哋會做旁觀者畀意見，同時自己都學習緊。」

「相比以前男朋友，係佢畀到愛嘅感覺我。」

Instagram結緣　

Blaire是YC的初戀，未跟YC一起的時候，她有一個交往六年的男朋友。「我account係private，我淨係畀認識嘅人follow，但佢係例外，因為我好鍾意男仔跳舞。」Blaire憶述分手後認識YC的過程。本來想讓自己「放假」一下，沒想到分手一個月之後YC突然在深夜direct　Blaire，說了一句：＂Nice to meet you＂。後面的情節，不用我多說你也猜得到。曖昧期的兩個月中，YC問過幾次「不如一齊啦」、「可唔可以一齊？」。直至有一天，兩人在H&M逛街，Blaire突然拿起一件＂Is OK!＂的衣服遞向YC，就這樣，牽住，就沒放下了。

「你自己揀，一係養你一係跳舞！」

妳大過我　不過我高過妳

一開始令Blaire卻步的原因，是因為她比YC大三年。「睇唔出呀可？」她笑言。年紀輕的女生總是有種執著，就是男朋友年紀不能比自己輕，「唔好玩啦，自己未係好成熟，仲要搵細自己三年嘅。」YC卻反擊：「我覺得你成日都好似受保護動物咁。你似妹妹感覺多啲，唔知喺咪因為身高關係，你太細粒啦！」當初Blaire所擔心的，時間足以推翻了一切。YC再沒有像從前一樣沉迷跳舞，是為了女朋友安心？他卻說：「係自己想努力搵錢。」Blaire對於現在還不夠二十的YC有這樣的感覺：「感情上佢始終未係好成熟，有啲位都仲係幾黑人憎。但比起同齡嘅男仔，佢好有上進心。」

兩個年紀輕輕的愛情「拆彈專家」，對於自己的感情關係，就有這樣的看法，Blaire：「好穩定，點嘈點冷戰都從不講分手。」YC：「係完美嘅關係，令人好放心嘅 一段關係。」有人說過，「愛情不是一輩子不吵架，而是吵架了還能一輩子」。