【冷知識】譚芷昀參加《全美一叮》走後門？爸爸：簽咗保密協議！

有「小巨肺」之稱的9歲女孩譚芷昀(Celine)近日憑《My Heart Will Go On》一曲於選秀節目《全美一叮》(America's Got Talent)一鳴驚人，除了讓現場觀眾全部站立鼓掌，YouTube上的點擊率已超過2千萬，雖然香港冇乜音樂比賽節目，但要參加都可以返內地，又為何要遠赴美國參加比賽，而香港人又可以參加《全美一叮》咩？原來真係得架！

根據America's Got Talent的參加規則，無論參加者是親身參與遴選，或是網上遞交片段，只要符合某些規則就可以。國籍方面：參加者需要是，(i)美國公民，(ii)合法美國永久居民,(iii)持有工作許可證，或者參加初次試鏡時是合法逗留，並持有合適的簽證。

換言之，只要你唔係偷渡，有簽證就可以報名參加，買張機票就可以比賽，可是你要承諾唔會「甩底」，即係唔會比比下賽，第二次就有其他理由而缺席。而報名方面，其實都係透過網絡寄3分鐘表演片段穩陣啲，不過節目監製對參賽者遴選資格有最終決定權。而選秀節目都會有「特別渠道」參賽，例如內地節目有部分參賽者會由唱片公司或其他中介公司「引薦」給節目監製，《中國新歌聲》（中國好聲音）就是如此。因此，往往有所謂的「黑幕」出現，不過其實「引薦」都係確保選手質素，情有可原。

《香港01》就著Celine參加《全美一叮》向譚博士查詢詳情時，他透過經理人回覆表示參賽時簽了「保密協議」，「有關節目的遴選過程，任何細節都不能透露」，問到為何要到美國參賽，係咪有經海選等等問題，都係表示「唔講得」。對於Celine是次參賽大獲好評會否是最佳的父親節禮物？譚博士就話：「父親節禮物呀？我同佢(Celine)講你開心就夠啦，一家人一條心！」好有正能量。

9歲小妹妹就已經同無數歌手名人合照，連候任特首林鄭都有，好誇張。

所謂「成名要趁早」，譚芷昀7歲時已經參加內地的《中國新聲代第二季》嶄露頭角，2016年中出道做歌手，更有了自己的個人網站，微博的人數亦超過6萬人，更簽約GME成為旗下歌手，可謂一片光明。不過回顧香港多位細個已經參加比賽為人認識的歌手，其實都幾大壓力，當中包括《殘酷一叮》莫凱謙和趙展彤，他們童年在學校都受過不同批評，莫凱謙甚至遭到同學欺凌添。

香港家庭心理治療師協會，臨床心理及教育心理顧問羅志華表示，會否對小朋友造成影響，取決於家長的態度。「如果盲目為得獎，而且將獲獎榮譽歸功於家長自己，便會對小朋友造成不良影響。」另外，「家長有責任為小朋友作參賽前的心理準備，參賽後無論輸贏都應該向小朋友解釋，才會對小朋友有正面作用。」

譚芷昀年紀輕輕已經參加過好多比賽，睇啲相，真係幾有台型，而且起碼係笑住參賽。

其實睇返不同地區的真人秀，童星的確是較吸睛(當然都要講實力)，《全美一叮》第一季的冠軍屬於當時只有11歲的Bianca Ryan ，第5季的亞軍Jackie Evancho只有10歲，而第11季的冠軍Grace VanderWaal當時亦只有12歲。至於9歲的Celine，初次亮相已經吸到過千萬點擊，最終又會唔會有獎呢？