【多圖】趙展彤12歲唱《超級巨聲》愈大愈靚　慣被取笑：麻木咗啦

「如果可以改變，我想掉左個搖鼓，睇返真係好低能，《中國好聲音》唔好反白眼，化好啲嘅妝，個妝太淡！」趙展彤說。
由7歲起參加《殘酷一叮》﹑《超級巨聲》以至《中國好聲音》，毫不怯場，從不怕輸，屢敗屢戰，究竟為啲咩？
攝影：龔慧

如果我要做，我想做饒舌歌手，我覺得自己READY了！

19歲的趙展彤，即使未正式出道，早已經有比別人優勝的舞台經驗。7歲時以小歌女形象參加《殘酷一叮》奪得其中一集的冠軍，12歲化濃妝參加《超級巨聲》被談論，18歲參加《中國好聲音》唱得興起不慎反白眼而引起話題。年少時更參與兒童節目《放學ICU》﹑有線兒童台的才藝比賽，又到「家燕媽媽藝術中心」找家燕姐拜師學藝，跳舞﹑DJ﹑演戲，樣樣技能都苦練過，如此積極參與才藝活動，為的就是找機會做歌手。今年尾有份參與的電影《一夜再成名》將會上映，屆時終於推出個人作品。她坦言：「我都係見步行步，有合適的機會就去！」

其實她一向都是「見步行步」，上鏡惹人注目，除了是因為她年紀小又勇敢外，「娘爆」的眼彩就是她的亮點，即使被取笑都沒有退縮，更一直走下去，直至現在受網民認同。如今亭亭玉立，一度被懷疑「變臉」，她解釋只是化妝技術進步。「嗰陣唔識化妝，但又要化，搞到不知所謂，現在靚咗就一定，識化妝。」看看她這7年的照片，你便會認同她的說法。

「我嗰個年紀上去(殘酷一叮)已經係搞笑事。」

被批評到麻木

「其實我3歲就參加香港兒童合唱團，鍾意唱歌，6歲左右參加第一個歌唱比賽都有拿獎，所以越來越鍾意參加歌唱比賽。」趙展彤又是從小奪獎而立志做歌手的典型例子。問到可有後悔上搞笑節目《殘酷一叮》，她表示：「當時太細，沒有想太多，沒有後悔上去，都係一個經驗。有咁好既機會，依家都可以search到細細個嘅片，都係一件好事丫。」

因為節目《殘酷一叮》﹑《超級巨聲》廣受歡迎，自然會被人評頭品足。「小學完全冇事，但上到中學好唔同，我在走廊行，佢地都可以無啦啦笑我。」雖然被取笑，但她的回應卻與外表一樣：「但我唔介意，由佢地笑，因為我自己都有好多朋友！」

在學校不怕被取笑，網絡欺凌又如何處理？「麻木咗啦其實，網上太多負評，睇到已經無感覺，從小睇到大，真係唔會有感覺。」口裡雖說沒有感覺，但其實她都仍會觀看別人批評，「有時會拿來笑，都覺得佢地講得岩，我會笑」。趙展彤的說話方式很直接，若果對她了解不深，很容易有所誤會。由於她參加大型比賽受到關注，若果參加校內的小型歌唱比賽，自然手到拿來。她坦言即使參加都只會與朋友合唱：「因為驚別人覺得年年都是我拿冠軍，我唔想這樣，所以廢事霸住。」如此有自信，大抵是從多年的經驗累積。做歌手，的確需要自信。

趙展彤好囂張？

「我個樣生成咁寸，冇計。」如此直率的歌手，好少見。彤彤曾被指囂張，對父母態度惡劣，又指摘她胡亂批評周柏豪和飛輪海成員吳尊唱歌難聽，這單經歷實在讓她成長不少，她承認：「童言無忌，又唔可以話自己無辜，怪自己亂嗡嘢，我係做錯咗，唔應該亂批評人，仲要冇聽清楚，我好有問題。」又補充：「我媽知道這是我們的相處方式，佢同我講別人不會清楚，叫我在出面要禮貌些，其實一向我和家人的相處方式都係互鬧，但大家冇惡意的。」
 

「我介意身邊朋友的批評，但我不介意網民批評，他們未必了解真正的我。」

她的童年壓力比常人多，她可有後悔參加比賽？「我冇後悔參加，因為咁樣先有人記得，香港創作歌手有好多，就咁出來未必係好事。」仲介唔介意被人笑？ 「依家唔想再行嗰條路，但有批評，我唔介意！」