陳康健續約有人工加：加咗都要靠唱歌維生

陳康健終於獲得無線加人工！《超級巨聲》的陳康健，近日拍攝了一個網購網站廣告，扮演《西遊記》中的孫悟空，其他拍檔還有黃建東及布偉傑，分別飾演豬八戒及沙僧，各人造型搞笑，而且內容又不停抽無線水，廣告短片出街後，網民大讚他們演技出色，紛紛忍不住俾Like。

陳康健拍攝網購網站廣告，更扮演《西遊記》中的孫悟空。（微博圖片）

短片出街後贏得口碑，陳康健表示出乎他的意料，他接受《香港01》記者訪問，「拍完就算啦，冇諗過出嚟效果咁好，多謝網民支持。」《超級巨聲》出身的陳康健，最大興趣是音樂，希望當歌手出碟，但為保持曝光率，惟有在無線當藝人，但工作量卻一直不多，平均只得3千元月薪，很多時要靠教唱歌幫補才夠餬口，生活相當難辛。

問到他以往工作不大穩定，現在多了知名度，環境有否改善呢？他苦笑道：「工作的確系多咗，但穩定我又唔敢講，依家主要都系靠教唱歌維生。(現時跟無線關係如何？)同公司續咗約，都系Part time約，不過加咗人工呀。」陳康健雖然不肯透露加薪幅度，但有始終好過冇，他還會繼續跟黃建東及布偉傑合作，一起創作拍片，隨時能殺出血路，到時說不定無線主動再傾嚇加人工，記住鄭世豪首歌《仍緊持》就得啦。