【多圖】周柏豪為做偶像包袱重　原諒惡意批評：其實我好介意

周柏豪婚後首次舉行的演唱會《One Step Closer Pakho Live 2017》頭場順利完成，期間柏豪提到，不少歌迷都稱他為「柏豪bb」，他笑言：「大家成日柏豪bb咁叫我，我就係你哋嘅寵物咁，其實寵物有時候好好，佢會陪住我，聽我講支持我，唔會出賣我，就咁坐喺度畀我挨住陪我身邊，好慶幸有呢啲人陪喺我身邊。」

他表示自己一直很嚮往簡單生活，就好像貓一樣，喜歡做什麼就做什麼，但他深知自己是偶像，一個公眾人物，要背負很多事情，並不能隨心所欲。他又感激十年以來大家對他的包容，「我成日都打錯Caption，又好感性寫一大篇野，好多謝大家都包容我，係咪大家都寫過惡意留言，今日我都原諒你哋。」

提到記者很常問他一個問題，就是他介意不介意別人怎麼看待他，柏豪直言自己十分介意：「其實我好介意，我好在意你哋任何一位，所以我學新嘢去報答你哋，你話我咁在意又點會唔介意啊！」

其後柏豪在台上跳起舞來，他指自己忍了很久不透露這次演唱會跳舞這事，他說：「入行咁耐好似冇點跳過舞，茶舞我喺屋企就跳得多，可能自己有偏見，對自己冇自信所以一直都冇跳。今次演唱會搵多啲野學，搵機會突破自己，一個全新嘅自己。」心裡面的天使告訴他，再不跳過多幾年他就跳不動，心裡的魔鬼也叫他跳，促成這次舞台上的第一次。

除了跳舞之外，柏豪還為大家帶來很多驚喜，他分別演奏了烏克麗麗(Ukulele)、吹口琴，可以看到他為演唱會花上了很多心機。「由100人嘅場地到香港最大嘅場地，好感激大家，記得嗰陣係百幾人嘅音樂平台，台上面嘅人好多都係單身寡佬，而家個個都結晒婚生埋仔，我就唔使講啦，大家睇偷拍都睇得好開心，睇住大家一齊成長真係好感動。」