【十大中文金曲】陳奕迅奪5獎成大贏家：最緊要唱好啲歌！
撰文：許栢倫
出版：更新：
《十大中文金曲頒獎音樂會》結束，陳奕迅奪5獎成為大贏家，分別得到《十大金曲獎》﹑《優秀流行歌手大獎》﹑《全國最佳歌手獎》﹑《最優秀流行男歌手大獎》和《全球華人至尊金曲獎》。
Eason今次與《叱咤》時一樣，在壓軸大獎時於後台突入，或許受叱咤表演失準影響（【叱咤】陳奕迅忽然現身唱《四季》 連環失準忘詞尷尬笑），他上台分享得獎感受時，坦言「拿咩獎唔係最緊要」，他表示：「我都好好彩，咁耐以黎好多人支持我，最緊要唱好啲歌，哈哈！一陣會唱歌，有機會我會唱好佢，希望可以令大家情緒上得到共鳴。其實好開心可以做到歌手，我借呢個機會，多謝咁多年做好音樂的朋友，包括製作上的朋友，好多謝享受我唱歌的朋友，多謝你哋！」
今次Eason再次在台上唱出《四季》，忽然戴上黑超獻唱，加上背景甚有詩意，他亦回復水準沒有忘詞蝦碌，唱畢他表示：「希望香港好似呢隻歌咁，Thank You！」
至於成為女大贏家的容祖兒(Joey)，亦分別奪得《優秀流行歌手大獎》﹑《十大金曲獎》﹑《銷量女歌手大獎》，而《最優秀流行女歌手大獎》亦由她第14度當選。祖兒和Eason一樣，都是在後台突入領獎。她得獎時表示：「其實每一次拿到呢個《最優勢流行女歌女大獎》心情都係好開心好興奮，只不過大家睇我面上表情睇唔出，可能因為我咁多年經驗變左震定少少，點解我有看似震定的感覺，多得大家。」