【叱吒】陳柏宇得男歌手銀獎 銅獎許廷鏗:得我在電視台做純歌手

撰文:許栢倫
出版:更新:
《叱吒樂壇流行榜頒獎典禮2016》男歌手獎終於揭曉,由張敬軒奪得金獎後,大會更安排軒仔頒發銀獎予陳柏宇及銅獎的許廷鏗,Jason和Alfred更是首次奪得男歌手獎項,因此在台上非常感觸。Alfred坦言:「呢個系男歌手獎項,意義好緊要好重大的原因,我係電視台歌唱比賽出身,接觸左好多歌手轉戰拍劇,他們講緊劇本有幾好,數數下好似只系得我在呢個電視台,做所謂的純歌手。我一開始參加呢個比賽,就係得我同音樂,我可能我好硬頸,但我相信香港歌手有值得被認可的地方。」
Alfred首先在台上多謝的竟然是謝安琪:「好想多謝佢系,佢會同我用過來人身份解開我心結,佢話我聽烏托邦系我前面,我好想做歌手!」

至於銀獎的陳柏宇同樣相當感觸:「啲人成日話我點解冇乜所謂咁,拿獎唔拿獎,唔好講到個獎好唔重要,佢(獎)重要,都唔夠我每一位同事重要!每一位希望我可以上呢個台的人重要,呢個獎為大家而拿,真系唔屬於我一個。十年裏面,佢(Jason)Hea又好,但其實佢又努力架喎,但其實我啲同事已經系我嘅獎,一開始入呢個行業,就算冇一日可以上來拿獎,我都已經拿了獎,就係我身邊既同事,包括屋企人,包括女朋友,不過女朋友都唔洗多謝啦,我同佢結婚架喇,系最大既多謝!」