周慧敏闊別7年再踏紅館　Deep V宮廷裝再現睇到樂迷「嘩嘩聲」

「玉女掌門人」周慧敏闊別紅館舞台7年，今晚舉行《一萬天荒愛未老》演唱會頭場，順道與樂迷慶祝入行30周年。周慧敏老公倪震、老友古巨基、江若琳與未婚夫Oscar、Anjaylia與老公、鄭世豪、專家Dickson都有入場支持。

周慧敏入行30周年演唱會當然要隆重其事，舞台效果氣派十足。周慧敏身穿白色婚紗如天使一般，坐在凌空舞台上緩緩登場，配合熒幕的動畫像在雲霧間穿梭一樣，配合《最愛》歌詞「天空一片蔚藍，清風添上了浪漫」，令觀眾瞬間投入歌曲之中。

唱過《最愛》後，周慧敏身後的翅膀展開，空中舞台緩緩降落到舞台中央，相信不少樂迷等待「仙女下凡」這一刻已久。其後打扮成絲帶的dancer出場，上演一段拉鋸後，抬起周慧敏化成巨型裙擺。

之後周慧敏與歌迷打招呼：「好開心大家嚟到呢到陪我過30年！估唔到大家仲好嗌得，寶刀未老喎！11年嘅演唱會有個遺憾，有一首大家好想聽嘅主打歌冇唱到，依家送番俾大家！」接着唱出《痴心換情深》，全場樂迷為之瘋狂，歡呼聲不斷。

周慧敏這晚造型驚喜不斷，重現大家的集體回憶，換上宮廷裝唱《感情得婚禮》，她笑說：「相信呢個造型係大家嘅集體回憶，講個小秘密俾大家知，當年大家拎呢張相俾我簽名嗰時，我特登簽大個名遮住個心口，哈哈！」

然後到跳舞歌medley環節，周慧敏換上短裙大騷長腿，玉女掌門人果然keep得好，唔少樂迷都睇到「嘩嘩聲」。