【自選Playlist】聽完都想對老細講三字經　打工仔聽到喊嘅5首歌

工作時間過長、OT無得補水、貼埋份糧打工、做幾多嘢都取悅唔到老細等等；相信以上種種都是不少香港打工仔的工作寫照。然而，當到了一個臨界點時，真的好想在老細面前大叫一句「劈炮唔撈！」不過當想到要養妻活兒、上車、準備結婚、又要交稅時，那一鼓理直氣壯走到老細面前「拍枱」「裸辭」的動力，頓時都要忍氣吞聲。
其實在廣東歌之中也不乏這類「時代之音」，究竟你又認識幾多首呢？

許冠傑《半斤八兩》

最弊波士郁啲發威／一味喺處係唔係亂嚟吠／翳親加薪塊面挪起惡睇／你就認真開胃／半斤八兩做到隻積咁嘅樣／半斤八兩濕水炮仗點會響／半斤八兩夠薑呀揸鎗走去搶／出咗半斤力想話攞番足八兩／家陣惡搵食邊有半斤八兩咁理想（吹漲）

許冠傑的《半斤百兩》相信大家都聽過。這首口水神曲，除了超洗腦，歌詞易入口，簡簡單單唱出打工仔心聲。而且歌詞也是跨年代，句句都適合老、中、青打工仔口味。

農夫《日出而作》

放工去玩又驚第二朝早起又驚糧尾／返工係一個得閒死唔得閒病嘅遊戲／你老闆唔鍾意你／你唔鍾意份工／鬼叫你鍾意份人工／咁就冇野需要理

《日出而作》絕對是一首道盡朝九晚六打工仔心聲之作。歌詞形容了返office工的心態，每日返工為準時打卡，因為要出糧而寧願過著沒有靈魂的日常生活。不知道這首歌曲又有沒有說中你的返工心態呢？

ToNick《張飛留俾我》

中左張飛唔洗朝朝拍老闆馬屁／中左張飛揸架波子去旺角唱K／中左張飛關羽死左都會彈起

剛在「叱咤」彈起的香港地下樂隊ToNick，他們除了有《長相廝守》這類年度情歌之外，在他們正式登上主流樂壇之前也有不少貼地社會議題的歌曲。《張飛留俾我》是一首講如果中了六合彩不需要再看老闆面色的作品。現今不少打工仔工作壓力之大，總要給自己苦中作樂的時間，如果中獎環遊世界你話幾好，不過一切都是一個「白日夢」之談。

野佬《上面話ok》

打工仔心態旨在hea老闆嘈夠未／就嚟斷氣做到死／返公司波士皺眉又再催交貨未／交足功課／交出功過／好在波士今次認可／上面話OK ~~ Woo Ohh Ohh Ohhh／上面話OK ~~ Woo Ohh Ohh Ohh／求其又OK是旦亦OK／上面話OK Yeh A Yeah A A

一直為樂壇默默付出的樂隊野佬Yellow，雖然暫日還在努力階段，其實他們有不少好作品。可惜一直還在等一個給大家認同的機會。《上面話ok》由rapperMastaMic填詞、Yellow親自作曲及編曲、監製方面Yellow與KOLOR主主Sammy一起合作。歌詞正正是鼓勵被波士打壓的你同我。

Mastamic《小人》

世界無乜真君子／往往太多真小人／大家要小小心提防你身後會有小人／小人就似seven梗有一個喺你左近／司馬昭之心呢個賤人諗住包藏禍心／你嘅居心就算得到全公司上下所有高層／但唔等於呃到我哋呢啲公司最低層

Mastamic除了為野佬的《上面話ok》填詞說出了打工仔的心聲外，他自己也有不少為被欺壓的人的作品。當中Mixtape《小人》是一首鬧爆身邊小人的歌曲。在職場工作不多不少也會遇到「A字膊」的小人，當你不敢發聲時，不妨用音樂為你發聲。