【寒冷天氣警告】潮流興玩雪？ 兩首新歌MV睇到你「雪雪」聲
撰文：彭嘉彬
出版：更新：
近日香港氣溫急降，個個走出街都多添一層保暖衣物，「Heat Tech」呢類功能性內衣更是必備。不過咁啱得咁橋，最近歌手們紛紛推出新歌MV亦非常應景，雪花飄飄，雖然香港無落雪，但一樣感受到歌手拍MV時凜烈的寒風。
近日軒仔同Aga嘅新歌MV都不約而同出現風雪場景，啱晒而家嘅天氣睇！
+5
張敬軒新歌《缺》及Aga的新歌《無期》不約而同也出現風雪場景，不過意景卻相距甚遠。《缺》的MV以精神病院為題，當中的誇張演繹方式配合著場景不停轉換來表達極端的情緒，所以大家可以看到軒仔一時在漫天飄雪的走廊狂奔，一時通山跑的場面。唔講你未必知，其實MV當中嘅風雪場景係喺屯門拍，用嘅當然係人造雪啦，不過出嚟嘅效果就好似身處北海道咁。
至於講到北海道，其實Aga嘅《無期》就正正係去到北海道拍攝。上年12月正正係當地嘅雪季，MV當中嘅冰天雪地正好帶出《無期》的浪漫感覺。原來拍攝時當地只得零下十度，Aga身穿大露背晚裝演出，可說是「西伯利亞人」的典範。不過學網民話齋，外地凍極，又邊夠香港嘅「濕凍」嚟呀，小兒科啫！