在家體驗日本唱K系統？　Switch「JOYSOUND」連中文歌都有得唱

唔少鍾意遊日嘅朋友身處日本時，都會貪玩去唱吓K，皆因日本嘅K房真係周圍都有，而且仲有得換上cosplay服飾，最重要嘅係，日本卡啦OK嘅系統同其他地方都唔一樣，獨有評分系統。每當唱完一首歌，評分系統除咗會為你打分數外，更會詳細同你分析全首歌入面，邊啲位唱得好，邊啲位音準唔夠，而且仲可以比較日本全國平均分，睇吓自己呢首歌是否唱得比其他人好。熟悉日本的朋友，深信也會知道這種卡啦OK系統主要分為「JOYSOUND」及「DAM」兩間公司，不過如果你想無時無刻都體驗到「JOYSOUND」嘅系統，終於都不是夢了。

日本「JOYSOUND」除咗有實體K房外，其實一直都有推出家有遊戲機的應用程式，不過礙於每個版本都有啲缺點，所以一直也未能在海外風行起來。例如PS4版嘅「JOYSOUND.TV plus」就要透過日本發行嘅信用卡或者水貨商先可以買到唱K必須嘅「時數券」；而手機應用程式「JOYSUND PLU」就偏偏只得日文歌，中文、英文、韓文歌通統欠奉。比較起來Switch的「卡拉OK JOYSOUND for Nintendo Switch」則全面得多，不但有齊中英日文歌庫，而且用Paypal便可以購入「時數券」，唱3小時也只需324円（約22元港幣），啱晒成班朋友係屋企開Party。而且家用機版的「JOYSOUND》跟日本的K房無異，一樣有評分系統，並與所有用家比較平均分，以後想高階唱K又洗乜飛去日本？