農夫禁歌《港女收港男皮》太踩界被嫌棄　容祖兒 ：我同你哋唱

今晚農夫即將於旺角麥花臣舉行《農夫等錢洗演唱會》尾場，自演唱會的第一場以來，不論有入場觀看或是沒有到場的樂迷也在關心，農夫在演唱會初次披露的歌曲《港女收港男皮》，到底是否他們的新作？農夫在頭四場演唱會中，只談及過他們口中這首禁歌的歷史，卻從未交代這首歌往後的去向。而在昨夜的演唱會中，他們終於為樂迷帶來好消息。

昨晚演唱會中，農夫唱出《港女收港男皮》前，再次重提此曲歷史：「當年我哋寫呢首歌嘅時候，就搵咗一位女歌手一齊傾，我哋就同佢講『嚟緊我哋就想寫首歌，關於連登入面成日見到啲男女鬧交嘅情節。咁隻歌我哋就飾演港男去鬧港女，你就飾演港女去反駁啲港男，好似男女對唱鬧吓交咁。不過你放心，個港女唔係寫你嘅，你係飾演吓代入吓啫。』嗰位女歌手聽完就話好呀好呀，然後我哋就一齊做晒前期後期錄音嘅工作啦，點知搞掂晒所有嘢，佢公司突然同我講隻歌唔出得，因為啲歌詞太激。」就是這樣，一首講中港男港女心聲的《港女收港男皮》便石沉大海了多年。

不過事情還未完結，因為農夫表示《港女收港男皮》這首歌自從在演唱會披露後，終於帶來轉機。C君昨日在台上表示：「有位女歌手12號晚嚟咗睇我哋演唱會，知道我哋呢首《港女收港男皮》出唔到，佢就主動同我哋講『咦！呢首歌冇人同你哋唱呀？我同你哋唱呀！』呢位女歌手，就係容祖兒。」

的確，祖兒自12號晚觀看農夫演唱會後，似乎感受良多，更在instagram發文大讚農夫二人。原來容祖兒跟農夫早在2004年已認識，當年農夫更為Joey的一首《Give Love a break》作Featuring。雖然祖兒坦言《問題兒童》、《偉大航道》、《好彩分手》等歌曲也是演唱會當晚才認識。不過有心唔怕遲，如果《港女收港男皮》最後真的能成功面世，深信也是樂迷之福。《香港01》亦就該事向英皇查詢，不過英皇回覆表示暫未收到有關消息，故此未能回應。