【音樂精讀班】吳浩康教你唱高難度假音：助跑好緊要！

曾經，吳浩康的歌曲是一眾男生在K房及歌唱比賽中的追求，他每首歌曲中的真假音轉換沒有相當技巧是掌控不了。所以當時他的歌曲大概為男生的歌唱功力劃分了三個等級：唱不到、唱得到、唱得好。
的確唱歌不單是講求天份，有天份可能令你唱得到，但絕對需要一定技巧才能進一步唱得好。
攝影：黃國立

音樂精讀班第二堂來了！繼續有歌唱科補習名師吳浩康與大家講解一下唱歌方面的技巧。第二堂的內容可說是一眾男生福音，皆因在K房中，不少人也嚮往挑戰假音王子的稱號，成功挑戰高難度歌曲，感覺就像是K房裏的王者。不過理想歸理想，唱不到也等於妄想。在朋友前飆高音失敗，情景想起也令人尷尬，所以今堂將會跟大家分享一下，如何輕鬆唱假音。

第一堂複習：【音樂精讀班】吳浩康教你唱歌點先好聽：唔好做「好假的肥仔」！

唱假音唔係為滿足自己

正式講解技術層面前，阿Deep再三強調，唱高難度的歌曲時，大家總愛將重點放在假音上：「其實呢個心態上，大家需要再提升及轉變一下。例如唱《自卑》嘅時候，可能前半截唱啲咩大家都覺得唔係好緊要，最緊要可以喺K房入面爆到『自卑~』個假音去滿足一下自己。」不過原來要唱好假音，心理上不應只顧着那個假音。

跟跑步一樣，唱假音也需要助跑

阿Deep以自己一首代表作《自卑》為例：「大家唱副歌嘅時候，好鍾意將個重點字放喺『自卑』個『卑』字度，其實唔啱，重點應該係『自卑』個『自』字身上。我哋經常唱唔到，係因為為咗留力喺個假音度，而冇將前面嘅字咬實。其實我哋爆發前嗰一隻字先係重點字，大家要記得呢個係一個助跑嘅階梯，否則就會唔夠力去將音階提上去。」

師父明白了！聽埋親身示範記得練習吓！聽日唔好走堂呀！

[吳浩康Listen to Deep Live 2017]
快達票網頁www.hkticketing.com

或致電 (852) 31288 288查詢