吳浩康屯門busking過百圍觀 Deep好感動：多謝大家仲記得
近年不少香港藝人都喜受用Facebook Live分享自己的日常，更有很多歌手喜歡用來製作自家音樂節目，又唱live又彃結他，目的就是與歌迷互動，拉近距離。沒有場地，時間，甚至音樂的規限。不過如果要數近年做得較為有noise嘅歌手，相信一定是歌手吳浩康（Deep）的《DeepNiteShow》。由studio玩到落街busking，依然有相當的號召力。《DeepNiteShow》每星期一晚都會約定網民，除了會唱自己的作品，也會應網民要求唱出其他歌手的歌曲，昨晚他就約定大家到屯門西鐵站，與自己的學生玩live之餘，自己又彈又唱。而且有不少知音人更響應Deep的網上號召，山長水遠走入屯門支持Deep。雖然近年吳浩康曾被報導指事業難以翻身，但憑著他本身實力，加上用心經營Facebook live，似乎也做到一番好成績。今次靠Facebook live挽回人氣，對於有感覺到第二春，吳浩康：「坦白講距離第二春仲有一段路。」
開Live唱《洗剪吹》被彈吃力吳浩康豁達：有心理準備面對唔同人
唔係講笑，真係有過百人圍觀！（點擊下圖）
吳浩康接受《香港01》電話訪問時表示：「無諗過有過百人去到現場Support我，我真係好感動，我覺得自己真係好幸運。」提到有很多網民認為吳浩康的作品已經可列作經典：「好多謝大家當我嘅作品係經典，我真係唔咁當。其實嗰啲作品唔係我阿Deep一個嘅，仲有作曲填詞人，係公司一大班人嘅心血去堆砌出嚟，我只不過係一個代表去將呢啲作品推出嚟，站喺最前線。所以除咗多謝最近喺Facebook Live支持我嘅人，我仲要多謝所有幫我做歌嘅所有團隊。」
提到有不少網民都點唱吳浩康出道的成名作品，有網民指 ,除了幾首代表作，吳浩康沒有其他歌。對此Deep還是抱著感激的心情：「雖然大家成日想聽我唱《討厭》、《先入為主》仲有《洗剪吹》等都係我出道初期嘅作品。但其實仲有《兒戲》、《擇日失戀》呢啲都好多人點，呢啲都係第三四隻碟嘅歌，所以都唔係永遠都係嗰幾首歌。但如果係計流行程度，《洗剪吹》仲有《先入為主》的確係比起其他歌hit好多，都係要多謝大家過咗咁多年都仲記得。
Deep續說：「如果你問我大家好似只係幾得我初初嘅作品，其實我見到咁我都開心。感覺就好似我有幾個仔，而暫時大家比較欣賞我最大嗰兩個，所以作為爸爸唔通唔開心咩，不過問題就係，嚟緊嘅日子我可唔可以能夠畀我嘅其他仔仔可以得到更加多人認識同欣賞，呢放面需要我接下來擺多啲心機落去。」
談到今次靠Facebook live挽回不少人氣，對於有感覺到第二春？Deep回應：「《DeepNiteShow》其實係勾起咗好多人對我嘅支持，你問我呢個係唔係我嘅第二春，坦白講，我好開心有呢啲階段性嘅成績，不過距離第二春仲有一段路。其實越做就會越睇到自己有咩不足，努力做好呢個show嘅內容就已經好足夠，我現階段仲係好需要大家嘅support希望大家可以繼續支持。」