公屋│一家四口連派2次華富邨呻：離晒譜　網民嘲︰買私樓咪有得揀

心水公屋可遇不可求，如果不急可以等下一次。有一家四口家庭輪候公屋，首次獲派香港仔華富邨，但由於兒子在藍田返學，亦有成員要到旺角返工，所以嫌位置太遠而放棄，但第二次派屋還是獲派華富邨，令申請人批評「離晒譜，連中兩次華富」。網民笑言「點解唔買私樓，買私樓咪可以自己揀住邊？」、「華富好，好快可以拆遷搬了」、「我之前連派3次都係井字樓，愈派愈差」。

樓主在小紅書表示，自己是一家四口家庭，兒子就讀的學校位於藍田，樓主則要到旺角返工，所以首次獲派華富邨時認為太遠，因而放棄單位，但到了第二次，獲派華富（一）邨單位，令樓主不得不說「離晒譜，連中兩次華富」，決定再次放棄單位。

不少網民笑言「點解唔買私樓，買私樓咪可以自己揀住邊？」、「華富好，好快可以拆遷搬了」、「我之前連派3次都係井字樓，愈派愈差」、「唔鍾意咪唔好要」。

（小紅書）