廚房工首日返工一推再推兼放飛機　日本餐廳主管：我介意佢無交帶

有網民在facebook專頁發放帖文，指有人約定於5月2日到日本餐廳上班，但卻於上班時間前兩分鐘才指家有要事未能上班；更於之後一日稱「我已有更好的，麻煩了你，對不起」，再次「放飛機」。
負責招聘的羅先生接受《香港01》訪問時指，「其實我唔介意佢唔做，但介意佢無交帶」。

羅先生日前在facebook群組「Tai Po大埔」中發佈數張WhatsApp對話截圖，圖中顯示，一名應徵者在上水一間日本餐廳面試及被獲聘請後，與羅先生約定上班日子及時間，對方又稱「我會用心做」。

主管原本要求應徵者於4月30日上班，但該名應徵者卻以「家人買票一起去遊玩」，而押後上班日，至5月2日下午12時30分。

唔好意思，屋企有事今天未能上班，要明天才行，可以嗎？

直至5月2日下午12時28分，即上班時間前兩分鐘，獲聘者又WhatsApp通知主管，稱「屋企有事未能上班」要求翌日才上班。

主管即時稱「12點30分番工，你現在先通知我。」主管又稱假設獲聘者要帶家人去看醫生，請他下午4時回去上班。不過，獲聘者又指「你都知現時急診要排很長時間啦」、「冇錢就係要等」。羅先生亦允許他再推遲一日上班，稱「機會可給你，明天12點見」。

不過，5月3日早上11時20分，獲聘者再次傳來訊息：

羅生，我已有更好的，麻煩了你，對不起。

曾為應徵者稱缺錢求醫擔憂

帖文發佈後，不少網民留言批評該名獲聘者「不知所謂」、「好無交帶」。《香港01》根據截圖上電話號碼致電獲聘者，但該電話號碼已無用戶登記。

而《香港01》亦找到發帖的羅先生，羅指該名男獲聘者「做咗兩年嘢，係正常男人」，對方一次又一次「放飛機」，他指不少同事亦推斷「佢玩你啫，唔好信佢啦」，但羅先生指曾有一剎那擔心獲聘者不夠錢為家人醫病，「仲諗不如借住啲錢比佢先」。

寧願應徵者誠實交代

羅先生指，自己並非要標籤90後，並指店內亦有兩名90後員工，做事勤力之餘亦有責任感。對於獲聘者多次爽約，羅先生指廚房行頭窄，「唔知佢點諗，但我相信山水有相逢，佢要做臭自己個朵都無辦法」。他又指，寧願獲聘者誠實交代，正等待另一份工作會否受聘，而非如此先稱家人有事，其後再稱「已有更好」。

羅先生又指，由於廚房工作的工時較長，面對同事的時間比家人更多，故亦會希望教懂下屬需要有責任心及有「交帶」，「入得嚟跟我我就當你係半個仔，我哋唔教邊個教？」

曾有員工趁午膳時間「人間蒸發」

至於飲食業是否較大機會遇上這些情況？羅先生指，「邊行都有，80後、90後都試過臨時唔撈」。三十多歲的羅先生，曾任職推銷員，他稱曾有人上班兩小時後 「no show」。他指對方稱，「做sales又要曬又要sell人，我都係唔做喇！」更甚者，有人趁午膳時間「人間蒸發」，「發現有個人食飯食咗五個鐘，再打電話畀佢已經無用戶登記」。多次面對應徵者放飛機，羅先生指「我仲係相信人係善良嘅，不過希望啲後生仔出嚟做嘢要交帶啲同負責任」。