阿媽要求用消費券買iPhone送細妹　港女拒絕被排擠　網民：非老奉

【電子消費券2022／支付寶HK（AlipayHK）／BoC Pay／八達通／PayMe／Tap & Go（拍住賞）／微信支付（WeChat Pay HK）】親情勒索？有港女於討論區發文大呻，近日妹妹的手機跌壞了，由於未滿18歲，未能拿取消費券，媽媽竟然要求她用其消費券買手機送給妹妹，妹妹還不客氣地指明想要價值至少8499元的iPhone 13 Pro，她拒絕後，媽媽和妹妹立即生氣及排擠她，令她也感到很氣憤。

該名港女於香港討論區以「好嬲呀！阿媽要我用我啲消費券買部電話畀阿妹」為題發文表示，妹妹經常亂放手機，日前更因此跌了手機在地上，結果壞掉了。媽媽知道後對妹妹說「唔緊要啦」，之後居然要求作為姐姐的她用自己的消費券，買手機送給妹妹。

她指出，「明明係我啲消費券，咁同我出錢買部手機畀佢有咩分別？阿妹仲指明話要iPhone 13 Pro，消費券都唔夠畀啦」，又說平日已什麼也遷就妹妹，每月會給6000元家用，不滿媽媽沒問過她的意見就直接要求她。

她表示，自己原本已計劃好如何使用消費券，因此拒絕媽媽的要求，結果媽媽和妹妹「嬲咗我」，天天無視她，「食飯又唔拎我對碗筷，同佢哋講嘢仲要扮聽唔到，真係好嬲呀」。

有網民批評樓主妹妹「大想頭」，「阿妹未成年冇消費券，做家姐如果有消費券係可以送少少禮物畀阿妹，但唔係畀佢獅子開大口囉，一嚟就話iPhone 13 Pro，免費都唔使食咗人隻車呀？仲要衰到唔送就嬲咗人，咁冇禮貌、咁冇家教，畀我就一蚊都唔送，或者最盡畀自己嗰部佢，自己買部新」。有人指出，「既然自己唔想將自己的錢咁用，就唔好勉強」、「要堅持自己原則呀，唔好就範，除非你好想送畀細妹啦」，不過也有人認為「做家姐買嘢送畀阿妹有咩問題？大方啲啦」。

有網民提出解決方法，「要買叫你父母買啦，又唔係老奉阿哥家姐買」、「錢都未識搵就學人洗錢？叫你阿爸阿媽買部二手機畀你阿妹用啦，寵慣晒！」、「買電話畀阿妹係可以，但係唔使買咁貴」、「一人退一步，你話拿一半消費券，贊助妹妹買手機，另一半你想買嘢」、「大方啲，如果你已經出嚟工作，5K唔算係大數目，你應該同阿妹講，買手機畀妳無問題，阿媽都有5K囉，佢出幾多，我照出幾多」。