大埔兩餸飯店驚見蒜蓉蒸龍蝦！$55包飯菜勁吸人龍　網民追問地址

兩餸飯成為疫情下的「窮人恩物」！繼早前「40蚊有找」的原條倉魚飯盒後，有網民發現大埔1間兩餸飯店，竟推出半邊蒜蓉蒸龍蝦，盛惠45元，加配飯及蔬菜亦只售55元。帖文一出即引來網民熱議，紛紛留言求地址，直言「好吸引好抵食」，但有人相信店舖可能用急凍貨，成本未必想像中高，亦不需要過高期望。

有網民在「香港兩餸飯關注組」分享照片，指大埔1間售賣兩餸飯的食店有半邊蒜蓉蒸龍蝦出售，盛惠45元，每晚6時新鮮出爐，如果半隻龍蝦配飯加蔬菜則售55元。從照片可見，半邊龍蝦鋪滿蒜蓉，約三分二手臂長，厚肉多汁。

樓主的帖文即引來大量網民垂涎，留言表示「極吸引」、「啲色水靚到」、「好想食」，又認為相當抵食，「食材咁高連埋人工，蝕錢啦」、「估唔到而家啲兩餸飯咁搏嘅」、「正呀！今晚漏夜去排隊」。有大埔街坊就表示特意前去光顧，結果大排長龍，「啱啱排咗半個鐘」。

不過有網民就指，店舖可能大量購入急凍龍蝦，質素未必太好，而且薄利多銷，亦是宣傳手法之一，「過下海鮮癮ok，唔好期望太大」。

同場加映：咕嚕肉、蒸肉餅　盤點網民20個最啱送飯餸菜　經典之最竟唔食得！