【情人節】賣花黃婆婆堅持靠自己　感謝網民與鄭秀文一直支持

去年2月14日，因為網民呼籲、鄭秀文「加持」，讓佐敦吳松街賣花的黃婆婆，過了一個溫暖情人節。
一年過去，故事未有煞科，鄭秀文與多位無名網民沒有放低，持續探望、光顧黃婆婆，值得我們感激敬禮。

都說香港人善忘，下周二（2月14日）又到情人節，於佐敦吳松街通宵賣花多年的黃婆婆，還有多少人記得？「有呀，仲好有網民嚟買花，鄭秀文都嚟過，有次仲同佢先生，好似叫許、許、許志安嘛，係咪？佢哋仲俾咗五千蚊我。」這晚（2月10日凌晨）室外氣溫跌至10度，但黃婆婆顯然不覺冷，一邊開檔賣花，一邊熱切地跟《香港01》記者憶述這宗好人好事。

黃婆婆經營的GeeGee花店位於佐敦吳松街、聖地牙高酒店旁，白天不起眼，到深夜整條街變成漆黑、冷清，小花店亮起白光管，才顯得醒目。黃婆婆每晚通宵營業至清早，近年夜場式微，可能整晚一個客人都沒有。正因如此，去年有網民於2月13日晚，呼籲情人節向年逾70歲黃婆婆買花，給予支持，歌星鄭秀文加入轉載，令黃婆婆生意急升，笑逐顏開。

感謝網民支持　盼及早訂花

到今年情人節，黃婆婆表示已收到少量訂單，雖然幾可肯定不會如去年般好生意，但她準備全日營業，同時希望網民可早幾日訂花，好讓她有所準備。「舊年睇怕死啦，因為情人節係年初幾，好多人（外遊）未返嚟，又使晒錢，我都唔敢入咁多花。」講到這裡，黃婆婆又連聲說：「好多謝個客同我上網（呼籲），多謝網民、多謝鄭秀文小姐支持我。」

堅持不退休　自己養自己

黃婆婆早年離婚，獨力養大三個兒女，現在應可退休享福，但她堅持晚晚開檔，「做到就做，搵多搵少都好，好過喺屋企坐呱......仔女唔使養自己頭家？」除了待客有禮，也許黃婆婆這份「靠自己」精神，才是吸引網民支持最大原因。

GeeGee花店

地址：佐敦吳松街167號

電話：2735 9809

（建議晚上11時後致電）