推放題安排混亂　翡翠拉麵小籠包送現金劵賠罪致歉

食放題食到一肚氣？翡翠拉麵小籠包早前在旺角瓊華分店，推出午市放題，標榜任點任食及贈送清燉鮑魚雞湯。但放題推出僅一日便引來大批顧客劣評，指「坐左二個鐘燉湯都未有！」批評店方未作好準備便推出放題。翡翠拉麵小籠包回覆《香港01》指，對事件感到抱歉，會聯絡昨晚客人送上現金券$300。

翡翠拉麵小籠包facebook專頁於10月17日公佈推出放題，但短短一日已有數十名網民在有關帖文投訴，指店舖上菜緩慢，份量亦少。有顧客指不少人「無嘢食到，嬲到無埋單走」，又指有顧客「忍唔住衝出去出菜位，搶其他人order咗嘅嘢食」。

有網民稱在場不少人帶同一家大細到場，「要人地坐喺度兩個鐘餓住無止境咁等」；又稱「小籠包原來係一隻隻咁叫……有個亞（阿）姐等左（咗）成個鐘...黎（嚟）左兩隻」。亦有人入座及落單後近一小時，均無食物送上，最終離座並「轉場」光顧另一間上海食物店。

翡翠拉麵小籠包回覆《香港01》時，直認安排不周，「令客人失望，我哋對自己都失望」，強調樓面及廚房在推出放題前已作多次綵排，但最終亦是「待慢咗」，未來汲取教訓，調整內部運作及加強人手，但暫時不會停止放題。

店方又指，由於大部份顧客均是電話預約入座，故店方今日會逐一聯絡有關顧客，並向每位客人送上$300優惠劵。至於昨晚有三檯「walk-in」客人，店方指會在其facebook專頁發文，呼籲有關「walk-in」客聯絡店方。