催交家用、餐廳大聲教仔做功課　連登仔埋怨：窮人唔好求其娶港女

「有個港女老婆仲慘過單身」，可能是不少已婚男士的心聲。日前一名男網民在網上抱怨，指每日勞碌地上班下班，回家已經晚上9時，其後打算跟太太及兒子開開心心吃晚飯時，「個港女老婆又發作」，不但在餐廳拿出功課，大聲督促兒子做功課，又當面催他上繳家用，令他不禁慨嘆「個個月畀8成人工做家用，你估我又識生金蛋咩」，最後更奉勸大家「窮人真係唔好求其娶個港女，仲要生埋仔」。

下載「香港01」App ，即睇城中熱話：https://hk01.app.link/l7U1Y7t5LO

該男網民昨在連登討論區發文稱，香港男人在家中無地位可言，他抱怨指昨晚8時收工，由長沙灣回到坑口家已9時，其後打算帶太太及兒子到餐廳「開開心心食一餐」，詎料其間「個港女老婆又發作」，他指當時兒子興奮地坐上卡位，太太卻指摘他「可唔可以坐好啲？」眼見兒子一秒變成失望，他亦非常不忍。

其後太太更在餐廳拿出功課，大聲督促兒子做功課，「你又寫錯個字啦，3次啦！」「傻字係企人邊，爸爸係傻仔，又係個人，所以傻字係企人邊。傻仔無腦所以中間有個大交差，佢仲好似你老豆咁有鬚，所以中間有一撇」。樓主聽罷深感無奈，遂扯開話題大讚牛扒好吃，太太竟反駁「牛牛牛，你只係識食牛，唔識食其他野咩？」躺着也中槍的樓主，在這刻依然選擇沉默。

其後樓主太太繼續發功，當面催他上繳家用，即使樓主坦言已過數給她，太太仍咬住不放，「我都唔明，點解可以有人廿幾號先比得到月頭的家用」。樓主慨嘆每個月已將8成人工當作家用，「你估我又識生金蛋咩」，加上最近朋友患癌，「我畀咗2萬蚊佢，我都無同老婆講」。不過，俗語有話「路係自己揀，Ｘ街唔好喊」，樓主最後也選擇默默受，並奉勸大家「窮人真係唔好求其娶個港女，仲要生埋仔」，可謂「貧賤夫婦百事哀」。

不少網民見狀紛紛表示認同，「喺香港真係做男人都無晒尊嚴」，不過亦有人認為樓主應好好跟太太溝稱，「佢係咪可能成日湊住個仔湊到忟？」認為樓主返工雖然辛苦，但太太照顧兒子及家庭亦有難處，建議「試吓氹吓佢等佢搵返以前戀愛嘅感覺」，可能會改善雙方關係。而樓主亦有補充稱，即使太太有多不好，「娶得佢，我都有責任照顧她」，又指只是希望「呻兩句，第日咪繼續返工囉」。

（連登討論區）