巴士空位擺果撻險被坐扁即發難　港女乘客批疑似內地婦反遭公審

「喂！有盒嘢㗎，你睇唔睇到？」日前一名女網民在網上發文，控訴一名疑似內地婦人，竟無視她放在旁邊座位的生果撻，險將生果撻坐扁，令她相當氣憤，怒斥「唔好再問點解香港人咁憎大陸」，詎料其言論不但未有獲網民支持，更反被公審「自己揸住咪唔會發生」，隨後甚至被網民檢舉，帖文亦遭刪除。

下載「香港01」App ，即睇城中熱話：https://hk01.app.link/l7U1Y7t5LO

該名陳姓女網民昨在社交網站facebook群組「Tai Po大埔」發文稱，她購買兩件生果撻後乘搭巴士，並坐在雙人座位，「見無乜人坐，又無整污糟車廂」，所以將撻放在旁邊空位，其間有一名疑似內地婦人帶住兩名小朋友上車，小朋友各自選擇雙人座位，但婦人沒有坐在他們旁邊，反而因見不到女事主的生果撻，所以嘗試坐在她旁邊的空位。

女事主當時「即刻喝X住佢」，並說「喂！有盒嘢㗎，你睇唔到有盒嘢㗎」，形容自己「一手搶返盒嘢自己拎返，兩件餅先無畀條XX壓爛…但我一搶，撻上面個蘋果同提子移咗位啦」，從她上載的照片所見，其中一件提子撻的幾粒提子散落盒內，但未有明顯的破損。

不過，女事主的經歷未得到網民同情，反而被一面倒認為是她自己事件是女事主咎由自取，女事主事後公開道歉，承認「自己都有唔啱，無好好保護個餅」，承諾「此post不會刪」，希望網民手下留情。

隨後fb群組「Tai Po 大埔」瘋傳網民與女事主的對話截圖，顯示帖文因含有仇恨言論，不符合標準，所以現時無人可以閱文，女事主亦稱「畀人檢舉」；從群組可見，雖然原文已被刪除，但無阻其他網民另開「新post」繼續批評，留言指「自己揸住咪唔會發生呢單野囉」，笑稱她「取暖失敗」。

（fb群組「Tai Po 大埔」）