老師公開嘲似蜥蜴　患濕疹學生回罵被要求道歉　網民撐向校方投訴

濕疹病人除了皮膚會感不適，生活更會受病情影響，嚴重者甚至會造成情緒困擾。有學生日前於facebook專頁發文，稱自已因患有濕疹，被班主任嘲笑似蜥蜴，他感到生氣遂「爆粗」回罵，反被班主任要求道歉。事件引起網民討論，大多網民均支持樓主，批評涉事老師「不知所謂」，並提議樓主可向校方投訴；但有網民亦認為事件真相未明，樓主與老師「撐到咁行」無好處。

下載「香港01」App ，即睇城中熱話：https://hk01.app.link/l7U1Y7t5LO

該名學生周三（3日）於fb專頁「名校 Secrets」發文，指學校採用雙班主任制，而其中一名班主任「不嬲都唔鍾意我」。他說，有次協助老師取物品，當他放下物品後，班主任立即於全班同學面前說：「得喇得喇快啲行開，好核突呀你， 有冇人話過你似蜥蜴啊？」

樓主聽罷感到相當憤怒，形容自己「即刻嬲到震，忍唔住串返佢」，遂「爆粗」回罵該名「90後」班主任：「有冇人話你似如花？把囗咁X臭，又唔X係靚，日日化啲粉仲厚過我屋企幢牆，望落似40多啲囉！死X婆，生濕疹我想㗎？你咁抗拒你畀錢我醫囉！」樓主的一番話激起班主任怒火，對方即稱「未見過學生咁同老師講嘢」；樓主亦再以「未見過老師咁同學生講嘢」回應。

雙方態度僵持，班主任向樓主稱，不排除致電其家長及記缺點作懲罰，而樓主亦指或會致電家長講述事件。其後班主任表示，如果樓主道歉，她或會考慮輕罰，惟樓主感不忿，即時反問「你話我仲要同你道歉？」樓主稱，該班主任聽罷「無出聲」，但他並無交代事件最終如何解決，僅稱自己向父母講述事件經過後，「佢哋都好撐我」；他又於帖文勉勵其他學生，「遇到人生攻擊千祈唔好退縮」。

帖文引起網民討論，不少網民都替樓主感不忿，批評涉事班主任「不配做老師」、「不知所謂」，直斥其行為是對學生人身攻擊，建議樓主「最好搵同學做證，叫家長，搵埋社工一齊去投訴備案」；亦有同樣患濕疹的「過來人」勉勵樓主，稱「對住一啲唔尊重人嘅人，我哋唔需要尊重番佢轉頭」。不過，有網民則認為事件真相未明，認為不應單憑樓主的說話便「公審」老師，亦有人指樓主作為學生，若要投訴老師，「撐到咁行對自己無好處」。

（fb專頁「名校 Secrets」）