連登仔阿爸200蚊購疑似靈芝稱沖水飲　網民促講明出事唔使人捐肝

誤食來歷不明草藥導致肝中毒的新聞時常發生，但「人類總要重複同樣的錯誤」。有連登仔網上求救，稱其父花200元從採藥老翁購得疑似靈芝，拒聽勸告擬「切片煮滾沖水飲」，樓主極度擔心求教網民點勸好，有網民嘲其父「神農再世」，亦有人促樓主父先寫生死狀，講明出事唔使人捐肝，以免累及他人。

下載「香港01」App ，即睇城中熱話：https://hk01.app.link/l7U1Y7t5LO

有男網民昨以「急問！我老豆on xx咁拎咗舊野生靈芝返屋企，佢話要拎來食，我應該點做？勸佢又唔肯聽」為題，在連登討論區上載3張圖片，可見他所指的「野生靈芝」，是兩大塊黑啡色的植物，旁邊亦有多顆似菇非菇、似菌非菌的植物。

樓主用文字交代，指圖中植物是父親用了200元從一名採藥老翁購得，父親「話一定要食…（打算）曬乾…切片煮滾之後沖水飲」，樓主及母親「都叫佢咪食…準備Call救護車」，但父親堅持己見，「話我哋見識少…唔畀丢」，甚至「拎咗入雜物房，鎖x埋」。

最終樓主稱與母親「落咗去中藥房，叫個老細同中醫師幫手睇，要經過佢哋兩個把口講話唔係靈芝，係有毒既菌先信」，樓主指其父「冇出聲，之後話拎返去搵那個採藥阿伯要求賠償」，最終將假靈芝棄置垃圾房。

帖文引起網民熱烈討論，在樓主未透露父親放棄食用極度擔心時，不少網民都留言指懷疑有關植物有毒，直指「200蚊已經知道答案啦，食嗰個都on x」，又留言「叫佢簽定生死狀，唔好要人捐肝」，更有人諷刺稱「世伯係神農氏」及「神農再世」，不少人認定樓主父親一飲即出事，留言稱「樓主準備定個肝捐出去啦」，更有巴打估計「照而家劇情發展，樓主老豆應該會畀阿伯說服然後『水』多鑊」。

香港浸會大學生物系教授翁建霖看過圖片後，表示必須進行基因化驗才能確定是否靈芝，但強調市民誤食來歷不明的草藥，輕則中毒，重則斃命，切勿亂食，提醒市民如有任何懷疑，應該去持牌中藥舖驗證。

（連登討論區）