她結婚但新郎不是他！連登仔嘆「bad timing」　錯過愛情勁感觸

成世人流流長，總會留下幾個遺憾，不過最痛心的，莫過於「她」結婚了，但新郎卻不是「你」。日前一名連登仔發文慨嘆，自中學開始跟一名女生互生好感，十多年來，二人一直保持朋友關係，其間他們曾先後跟對方表白，可惜因時機問題，每次都未能開花結果，不是樓主有女朋友，就是女方名花有主。
二人不停擦身而過，直至最近，女方即將結婚，更向樓主坦言其實由中一至大學，「我都好希望我嘅新郎係你」，可惜事已至止，已無挽回餘地，令樓主非常感觸，只希望藉住自己的經驗，鼓勵網民遇到心上人就要勇於出擊，才不至後悔莫及。

下載「香港01」App ，即睇城中熱話：https://hk01.app.link/l7U1Y7t5LO

今年28歲的樓主，昨晚於連登討論區發文稱，女主角跟他同年，為中學同學，中一那年，自己較貪玩，又不愛讀書，「而佢就係班入面成績好嘅乖學生」，班主任遂安排她坐在樓主隔離，希望可以從旁協助他。樓主形容女方「眼大大，幾靚，有錢女」，由中一至中三也對她有好感，「但感覺佢唔太鍾意我，所以一直冇主動媾佢」，加上當時年紀小，根本沒有拍拖的概念。

中三後，二人就讀不同學校，雖然距離變遠，但二人卻多了見面，樓主亦驚覺自己愛上對方，「但感覺佢只係當我係好好嘅朋友」，便沒有進一步行動。至中五，樓主跟鄰班女同學拍拖，詎料女方竟突然向他表白，殺他一個措手不及，其後她更親手炮製生日蛋糕給他，讓他非常感動，「但（我）冇勇氣同佢講我拍緊拖，又唔忍心飛咗當時現在（女友）」。

中學畢業後，女方到外國升學，他則留在香港讀大學，直至大學三年級，單身的樓主終於鼓起勇氣向對方示愛，惟女方毅然拒絕，更稱已等他表白多年，雖然身邊不乏追求者，但都一一拒絕，「到year2嗰陣完全放低咗我，然後ＸＸ我點解依家先講」。

雖然樓主慘食檸檬，但無阻二人保持朋友關係，有次女方分手後非常傷心，致電給樓主訴苦，「嗰陣我好心痛，心諗如果當年我同佢拍拖，肯珍惜佢，佢就唔會比人hurt」。無奈現實總是殘酷的，機會錯失了便錯失了，蜜運中的樓主，近日收到女方通知下月將註冊結婚，更向他坦言其實由中一至大學，「我都好希望我嘅新郎係你」，令樓主瞬間崩潰，「呢吓，我男兒淚差啲爆出嚟」，而女方則大方表示，她跟未婚夫很自由，「唔使因為我結咗婚而少約我」。

樓主聽罷，坦言「成晚都好感觸，但又唔知點形容」，認為跟女方在十多年間也是「bad timing」，只希望藉住自己的經驗，鼓勵網民遇到心上人就要勇於出擊，「咪等，咪拖」，才不至後悔莫及。

不少網民見狀紛紛安慰樓主，「今日唔知聽日事，或者過多十年你地仲會喺返埋一齊呢？」亦有人斥樓主所謂的「bad timing」，根本只是自己沒有好好把握，認為二人關係已成過去，「人哋都就嚟做人妻，疊埋心水好好愛惜你身邊那一位」。

（連登討論區）