連登仔讚女下屬「好香」　即遭投訴性騷擾　網民：樣子問題？

近年全球掀起「#MeToo」反性騷擾反性侵犯運動，但有時性騷擾的界線未必一目了然。有男網民昨日在連登討論區發出帖文，指以開玩笑口吻讚新入職的女下屬「今日好香喎，今晚去邊度玩呀？」，詎料即被對方投訴性騷擾，更要求換上司。網民對事件意見兩極化，有人第一時間認為是「樣子問題」，亦有人撐樓主無歪念，但說話技巧有待改進。

下載「香港01」App ，即睇城中熱話：https://hk01.app.link/l7U1Y7t5LO

樓主昨日以「讚個女同事香都算性騷擾？」為題在連登討論區發帖，表示希望「大家評吓理」，指與一名新入職的女下屬「唔算好熟…間唔中會走嚟問公事」，她昨日如常詢問工作問題時，樓主「見附近冇乜同事，又心情唔錯，就以講笑形式問：「哈，你今日好香喎，今晚去邊度玩呀？」詎料對方極速變臉，反問：「咩意思呀？」樓主見對方反應變大，即時解釋「冇…講吓…」。女下屬即她怒斥：「咩講笑呀？你呢家即係性騷擾我啦喎！」樓主連忙道歉指「真係冇心」，但她未有原諒樓主，反而走入經理辦公室要求換上司。

樓主未有交代事件最後如何發展，但形容自己當時態度「有啲輕挑，絕不猥瑣」、「正經樣」，又認為「香港太保守…呢啲言行喺外國根本好常見」。帖文吸引逾850個負評及約70個正評，率先回應的網民紛紛猜測樓主「唔係靚仔」，更指事件是「樣子問題」；有巴打則留言指「同你唔係好熟，你突然讚佢香，覺得你似癡漢」；絲打則稱「如果有男同事咁同我講，我會想嘔」，甚至直斥對方是「死癡漢」。

有網民反駁樓主「外國根本好常見」的說法，指「外國係咁，代表香港就要係咁？」，亦有分析指「應該表達問題」、「講嘢要有技巧」，「首先你直接讚佢香，會令女性下意識覺得係索佢體味，所以應該讚佢隻香水香而唔係讚佢個人香，甚至唔用『香』字，用個『行』字，如『你今日用隻香水咁行嘅，去邊度玩呀？』」。

有網民同樣提議樓主「下次講噴咗香水呀？又話者問佢用邊隻沖涼梘咁香啦，話好香就有少少變態」。有過來人則分享經歷，指「都有讚我公司個靚女同事香，不過之後補句『你用邊隻香水？我想介紹畀我女朋友』」，對方隨即表現開心，至今仍「成日吹水」。

有絲打表示，「男讚女、女讚男，喺職場都要小心…處理過男人投訴女同事讚佢靚仔、衣着好睇…兩個人唔同部門，唔算太多合作機會…男嘅結左婚…話聽完覺得唔舒服…女嘅20幾（歲），算係靚女…有時真係唔關樣事」，最後提醒各位「如果大家唔係咁熟，係言語上真係要小心，始終大家係同事，唔係朋友」。

（連登討論區）