【書展2018】海報設計被嘲土氣肉酸　網民出手改圖變靚啲

今年書展充滿話題性，主辦單位推薦的10位愛情小說作家人選備受爭議，早前村上春樹新書被淫褻物品審裁處，暫評為二級不雅，在書展禁售，就連書展的宣傳海報設計，亦惹來各界人士批評品味惡俗，激發創意爆棚的網民發揮小宇宙，出手改圖將之「變靚啲」，有網民讚改圖好過原圖，笑言：「直接send去TDC叫佢請你啦！」。

書展未開始宣傳海報先在facebook出現，即時惹來廣泛「討論」，不止網民批評連連，多位文壇前輩亦在其社交平台作出負評，其中陳慧大呼「救命」，指「連判斷力都消失得無影無蹤」。詩人宋子江亦不客氣「連基本的審美底線都沒有了，連愛情都被嚇跑了」。

作家昆南直言海報「肉酸」，並笑言「唔通設計人認為情愛係好醜陋嘅？」。有討論文學的節目亦拿這張海報出來「鞭屍」，由字體到顏色去品評，認為底色粉紅色是顯得土氣，而字體更是「媚俗而不合理」。

網民對海報更是彈多過讚，有人笑指在字海中看到「痴女大學生日記」，又認為設計令網民「打曬冷陣，變咗叫春書展」，更有人稱「第一次覺得繁體字咁黑人憎」。

有網民看不過眼，一反常態地沒有一味惡搞，反而發起變靚行動挽救海報。有網民對高質改圖讚口不絕，「唔知以為官方」，「呢張先係官方poster」，有人更建議「直接send去TDC（貿發局）叫佢請你啦」。