患濕疹曾脫皮出水　馮盈盈麥明詩籲學習放下　「唔理佢反而會好」

昨日屯門發生三屍命案慘劇，23歲幼女疑飽受濕疹困擾感生不如死，涉嫌弒父母後吸氣體自殺身亡。濕疹在香港屬其中一種最多人患上的皮膚病，每5人就有1人在不同時期患濕疹，前港姐冠軍馮盈盈及麥明詩也不例外，並對女死者表示同情，坦言非常明白對方的苦況，亦不希望同類事件再次發生。
曾因患上嚴重濕疹導致脫皮出水的前港姐冠軍馮盈盈指，這是一個惡性循環，她稱每個女生都希望皮光肉滑，「但心情一差，皮膚就會跟住差」，唯有學會放下，「反而自己會好返」。前港姐冠軍麥明詩亦患有遺傳性濕疹，雖然現時情況受控，但手指及手踭長期有濕疹，相反爸爸則嚴重得多，幸而對方積極面對。

作為濕疹過來人，前港姐冠軍馮盈盈指該慘劇令人非常傷心，雖然未有細看報道內容，但看標題已感到很震驚，她指自己入行後，才有濕疹問題，所以很明白事主的心情，「初初塊臉同身有濕疹，見到都好緊張，勁驚會畀人發現，但慢慢學識放下，唔理佢反而自己會好」。

問到濕疹可有影響工作？馮盈盈表示拍攝劇集《果欄中的江湖大嫂》一場打沙灘排球的場口時，大腿的濕疹發作，「我前一晚貼定醫學膠膜，點知一起身成個水『氹』」，因劇情需穿上超短褲關係，當其他人擔心她會否走光時，「我就擔心見到撻濕疹」，幸而劇集播出後，完全未有發現濕疹痕迹。

她又憶述去年代表香港參選華姐時，便是濕疹爆發最嚴重的一次，「又緊張又大壓力，搞到成塊臉生晒粒粒，最慘係記者以為你生暗瘡，好難解釋係濕疹」。她坦言起初非常困擾，但後來在燈光及化妝品幫助下，根本沒有人察覺異樣，「其實只係自己在意」，直指對付輕微濕疹的方法，「就係唔好理佢，又唔係你嘅錯，千祈唔好太介懷」。

患有遺傳性濕疹的麥明詩，亦表示非常同情死者的情況，「我爸爸都有嚴重濕疹，所以好明白佢哋嘅心情」，她稱從英國回港後，濕疹問題明顯較嚴重，但自己比較幸運，「塊臉冇事，反而集中喺手指同手肘，有時都試過抓到流血出水，需長期使用類固醇藥膏」。雖然現時情況受控，惟間中也會影響工作，「例如拍首飾廣告，要影隻手近鏡，都會擔心影出嚟唔靚，所以事前會做多啲準備，例如唔好掂到清潔劑，用溫和皂液等等」。