【大埔紅Van舞龍】16人齊嗌：有落！　頭排乘客親述10分鐘驚魂記

「一到巴士站，全車人大嗌巴士站有落！」單憑言語描述，已能想像紅Van內的畫面何等壯觀！話說前日（22日）凌晨，一輛由旺角開往大埔的紅Van上，因司機開車時像舞龍左搖右擺，嚇得16名乘客在同一個地點集體嗌「有落」。有乘客下車後在facebook「Tai Po大埔」群組發文講述事件，由於場面太震撼，即時成為網絡熱話。
當時坐在小巴第一排、事後在fb發文的溫先生接受《香港01》訪問，親述這次長達10分鐘的紅van超驚險之旅，直言當時「好淆」，又形容司機曾爆粗稱「停唔到車嘅」，他甚至想過上前代替司機駕駛，幸最終能平安下車。

溫先生表示，在旺角上車時不覺得司機有異樣，對方神智很清醒，「佢都幫我叫單人嗰個（客人）去後面坐，等我哋有兩個位坐」。但駛至獅子山隧道斜路彎位時，司機把小巴開至快線行駛，卻開始「行唔到直線」，一路踏着雙白線，「畀人呠咗幾次，佢先有反應」。及後司機仍繼續踩着雙白線行駛，即使在隧道內亦是同樣情況。

溫先生憶述到紅Van停在收費亭繳費時，「佢拎住個錢都睇唔到自己嗰個係咪5蚊」，當時不少乘客都意識到司機狀況不佳，開始揚聲問司機，「你係咪唔舒服啊，如果唔舒服停埋一邊先啦」，但司機沒有理會，其後再有人提議在沙田停一停稍作休息，司機卻模模糊糊、自言自語地表示，「唔得嘅，唔得嘅，呢個去大埔，唔可以去沙田」；亦有乘客提出不要上山路，改行吐露港，司機再次沉默。

當駛至馬場上山路段，溫先生指有人表示想下車，但司機卻說「停到先得」，又用粗口大叫「X呢架X車，停唔到車嘅」，更嚇怕了全車乘客。終於到一個巴士站前，全車人大叫「巴士站有落」。紅Van最後在巴士站停下，16名乘客終於脫離這架「亡命小巴」，然後一班人登上另一班巴士離開。

溫先生形容當時在紅Van上「好淆」，因他坐在第一排，「好想幫佢推入空波，拉手制，但我驚會造成傷亡，所以冇做」，又指「好想擒低佢我揸呀」，幸好在上山路前下車，「一陣佢上到頂反車就死」。他指自己未曾遇過這位司機，但看得出他精神狀況很惡劣，有不少街坊在帖文留言稱曾遇過有司機同樣貼着雙白線行駛，甚至衝燈，又在轉彎前才急急剎停收油，「直路就快到趕住去死」，質疑是否同一位司機。

另外，另一名同樣坐了這輛「亡命紅Van」的乘客，把當時行車情況的短片上載了facebook群組，從影片可見，小巴車速約66公里，車上不少乘客都勸喻司機小心駕駛，甚至叫他慢慢駛到路邊稍作休息，「挨埋路邊啦師傅，冇人怪你」、「成架車呀，16條命」、「你調一調位，畀你抖一抖」，但司機並無回應，車上的人唯有抓緊扶手，氣氛緊張。

拍片者Ronald接受《香港01》訪問表示，開車初期已覺得司機有異樣，回應乘客時「九唔搭八」，到隧道口一直越界行駛，出隧道後又不打燈入線，車上乘客開始覺得他有問題，紛紛勸他休息一下，但司機卻不停重覆「係架車自己加速」。